«Полярные авиалинии» авиахампанньа чэпчэтиилээх билиэттэри атыылыыр
![](https://sakha-sire.ru/wp-content/uploads/2024/05/acd157b1bd23af028ea30be25f729080-1060x596.jpg)
Аан дойдутааҕы Оҕо көмүскэлин көрсө «Полярные авиалинии» авиахампанньа Саха сиригэр 50%-наах чэпчэтиилэри киллэрдэ.
Чэпчэтиилэр улахан дьоҥҥо уонна оҕолорго (2-13 саастарыгар диэри) тэҥҥэ билиэттэри атыылаһыыга үлэлиир. Аахсыйа Арассыыйаҕа Дьиэ кэргэн уонна Саха сиригэр Оҕо саас сылыгар Аан дойдутааҕы Оҕо көмүскэлин көрсө биллэрилиннэ. Олохтоммут чэпчэтиилэринэн билиэттэри бэс ыйын 1 күнүттэн алтынньы 26 күнүгэр диэри оҥоһуллар рейстэргэ ылыахха сөп. Аахсыйанан билиэттэри атыылааһын ыам ыйын 30-31 күннэригэр ыытыллар.
Сха сиригэр бу билиэттэринэн Баатаҕай, Белая Гора, Эдьигээн, Зырянка, Ньурба, Өлүөхүмэ, Саккырыыр, Сааскылаах, Орто Халыма, Сунтаар, Тиксии, Депутатскай хайысхаларынан көтүөххэ сөп. Чэпчэтиилэр пропискаттан тутулуга суох атыыланаллар.
Сообщить об опечатке
Текст, который будет отправлен нашим редакторам: