«Полярные авиалинии» хампаанньа субсидиялаах билиэттэри атыылааһыны саҕалаата

Билиэти атыылааһын, ол иһигэр субсидияламмыты быйыл алтынньы бүтүөр диэри ыытыллар. Бу туһунан СӨ Тырааныспарга уонна суол хаһаайыстыбатыгар министиэристибэтэ иһитиннэрэр.

Субсидияламмыт билиэт Саха сирин Арктика оройуоннарын олохтоохторугар тарҕанар, ол иһигэр «Земскэй быраас»/«Земскэй биэлсэр», «Земскэй учуутал», «Земскэй култуура үлэһитэ», ону тэҥэ олорор дьиэни биэриигэ бырагырааманан кыттар учууталларга уонна миэдиктэргэ.

Субсидияламмыт тарыыптар Арктика 10 хайысхатынан үлэлиир (биир уонна төттөрү хайысхаҕа):

• Дьокуускай-Баатаҕай — 9600 солк.
• Дьокуускай-Зырянка — 12600 солк.
• Дьокуускай-Сааскылаах — 15500 солк.
• Дьокуускай-Орто Халыма — 14400 солк.
• Дьокуускай-Тиксии — 12500 солк.
• Дьокуускай-Белая Гора — 13900 солк.
• Дьокуускай — Муома (Хонуу) 10500 солк.
• Дьокуускай-Саккырыыр — 9800 солк.
• Дьокуускай-Эдьигээн — 9300 солк.
• Дьокуускай-Уус Куйга — 11100 солк.

Авиахампаанньаҕа таһаҕаһы босхо таһыы нуормата — 20 киилэ (2 миэстэттэн ордуга суох) + 5 кииилэ илии суумкатыгар. Сөмөлүөт көтөр кэмэ: 2025 сыл муус устар-алтынньы ыйдара.

Субсидияламмыт билиэти СӨ ханнык баҕарар кассатыгар, ону тэҥэ авиахампаанньа саайтыгар атыылаһыахха сөп https://polar-aero.ru