Хаартыска: Саргын Скрябин, ЯСИА.
Бүгүн, атырдьах ыйын 8 күнүгэр, Маҥан аэропордун ангаарыгар «Полярные авиалинии» хампаанньа саҥа атыыласпыт икки Ми-8МТВ-1 бөртөлүөттэрин үөрүүлээх быһыыга-майгыга сүрэхтээһин буолла. Биирдэстэригэр «Саха сирин авиациятын 100 сыла» диэн аат иҥэрилиннэ.
Тэрээһиҥҥэ СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников, тырааныспар миниистирэ Владимир Сивцев, «Росавиация» МТУ салайааччыта Олег Ворошилов, ону тэҥэ федеральнай уонна эрэгийиэннээҕи управлениелар бэрэстэбиитэллэрэ кытыннылар.
Дмитрий Садовников этэринэн, авиапаарканы саҥардыы өрөспүүбүлүкэҕэ тирээн турар стратегическай сорук буолар.
“Бу саҥа тиэхиньикэ эрэ буолбатах — бу өрөспүүбүлүкэ аҕа баһылыга туруорбут авиапаарканы саҥардыы стратегическай соруктарын олоххо киллэрии буолар. Бу элбэх дьайыылаах тиэхиньикэ биһиги кыахпытын биллэ кэҥэтиэҕэ: пассажирдары уонна табаардары түргэнник тиэйиэхтэрэ-таһыахтара, ойуур баһаарын умуруорууга кыттыһыахтара уонна ыраах Арктика улуустарын кытта ситимниэхтэрэ. “Саха сирин авиациятын 100 сыла” диэн ааттанар бөртөлүөт киэн туттууну саҕар. 1920-с сыллартан тыйыс усулуобуйалаах хотугу халлааны баһылаабыт авиатордарга ытыктабылбыт, сүгүрүйүүбүт бэлиэтэ буолар”, — диэн тоһоҕолоон бэлиэтээтэ.
«Полярные авиалинии» хампаанньа генеральнай дириэктэрэ Семён Винокуров бөртөлүөттэри Казаньтан хамандыырдар Сергей Дурнов уонна Павел Аммосов салалталарынан экипажтар көтүтэн аҕалбыттарын туһунан эттэ.
Санатар буоллахха, саҥа бөртөлүөттэри биэрии от ыйын 29 күнүгэр Казаннааҕы бөртөлүөт собуотугар Татарстан баһылыга Рустам Минниханов, «ГТЛК» АО генеральнай дириэктэрэ Евгений Дитрих, «Вертолеты России» АУо генеральнай дириэктэрэ Николай Колесов кыттыылаах, Казаннааҕы бөртөлүөт собуотун генеральнай дириэктэрэ Николай Яковлев кыттыылаах үөрүүлээх быһыыга-майгыга буолбут.
Бөртөлүөттэри “Судаарыстыбаннай транспортнай лизинг-хампаанньаны” кытта 15 сыл устата чэпчэтиилээх усулуобуйаҕа лизинг дуогабарынан атыыласпыттар.
https://www.sakha.gov.ru/news/9636
Саха төрүт аһа. Көбүөрдээх лэппиэскэни сөбүлүүгүт дуо? Оттон сыаҕа буспут лэппиэскэни амсайбыккыт дуу? Маныаха Е.Ф.Кузьмина "Саха…
Үс сыллааҕы өрөспүүбүлүкэ судаарыстыбаннай бүддьүөтүн торумнааһыҥҥа Саха сирин Бырабыыталыстыбата тутаах хайысхаларга гражданнары социальнай өйөөһүнү үбүлээһин…
Саха Өрөспүүбүлүкэтигэр туристическай инфраструктураны сайыннарыыга биир кэлим субсидияны биэриигэ сүүмэрдииллэр. Бу дойду Бэрэсидьиэнэ Владимир Путин…
Ил Түмэҥҥэ “2026 сылга, 2027 уонна 2028 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан”…
Степан Саргыдаев, Чурапчы улууһун баһылыга: --Чурапчы нэһилиэгин баһылыгыттан саҕалаан улуус баһылыгынан талыллан баһылыктыы уонна өрөспүүбүлүкэ…
Саха сиригэр бу бырайыак иитинэн өрөспүүбүлүкэ 1049 олохтооҕо үөрэнэр. --Өрөспүүбүлүкэ олохтоохторун үөрэтии 82 бырагырааманан тэрилиннэ.…