Хаартыска: sakha.gov.ru
«Полюс холода — Оймякон» марафоҥҥа хаһааҥҥытааҕар да элбэх киһи кыттыаҕа.
Марафон номнуо сэттис төгүлүн ыытыллар. Арассыыйа 44 эрэгийиэниттэн 96 киһи регистрацияны ааспыт. Олор ортолоругар РФ футболга сүүмэрдиир хамаандатын урукку хапытаана Алексей Смертин кыттыаҕа. Кини 50 км сүүрүөҕэ.
«Марафон хаһан саҕаланарын күүтэн хонукпун ааҕабын. Тохсунньу 16-17 күннэригэр — 50 кыраадыс тымныыга 50 км сүүрүөхтээхпин», — диэн санаатын үллэстэр.
Тэрийээччилэр иһитиннэрбиттэринэн, тохсунньу саҕаланыаҕыттан кыттааччылар Дьокуускайга кэлитэлээн саҕалаабыттар. Тэрээһин Өймөкөөн улууһун Томтор уонна Өймөкөөн нэһлиэктэрин икки ардыларынааҕы суолугар ыытыллыаҕа. Ол курдук 5, 10, 15, 21,1 км сүүрүүлэр, ону кытта 42,2 уонна 50 км курдук ырааҕы сүүрүү баар. Тэрийээччилэр быйылгы сүүрүүнү Арассыыйа рекордун кинигэтигэр киллэрэр былааннаахтар. Быйылгы сүүрүү Индигиирдээҕи эспэдииссийэ геолога Сергей Обручев төрөөбүтэ 100 сылыгар ананар. Тэрээһин Ил Дархан Айсен Николаев «О развитии местного производства и туризма в РС(Я)» диэн стратегическай Ыйааҕын уонна «Спорт России» диэн национальнай бырайыак чэрчитинэн ыытыллар.
Урал патриоттара пуорумҥа Саха сирин волонтердарын. актыбыыстарын ыҥыраллар. Ханты-Мансийскайга кулун тутар 17-19 күннэригэр "Патриоты Урала"…
Былыргылар этэллэринэн, ахсынньы 22-с хонугуттан (Кыһыҥҥы Ньукуолун, күн-түүн тэҥнэһэр таҥарата) тохсунньу 19 хонугар (Кириһиэнньэ, уунан…
Арассыыйа Суруналыыстарын сойууһа "Земскэй суруналыыс" диэн бырагырааманы үлэлэтэргэ ыҥырда. Бу туһунан Арассыыйа Суруналыыстарын сойууһун бэрэссэдээтэлэ…
Муома улууһун биир нэһилиэгин баһылыгын солбуйааччыта туох да төрүөтэ суох бэйэтин, кэргэнин уонна сокуоннай сааһын…
Нерюнгрига 13 оҕо бассейҥҥа сүһүрбүттэрин туһунан суруллан турар. ЯСИА суруйарынан, Нерюнгри борокуратуурата успуорт оскуолатын бассейнын…
"Саха сирэ" хаһыат sakha-sire.ru уонна edersaas.ru саайтарын ааҕааччы сыл ахсын элбээн иһэрэ бэлиэтэнэр. Манна хаһыат…