Помидор сыаната киилэтигэр 800 солк. куоһарбыт

Дойду маҕаһыыннарынан помидор сыаната биллэрдик үрдээбитэ бэлиэтэннэ. Бу сыл балаҕан ыйын ортотугар сыаната ортотунан биир киилэтигэр 170,9 солкуобайга диэри үрдээтэ уонна атырдьах ыйын бүтүүтүнээҕэр 12,5%-нан үрдүк. Оттон алтынньы саҕаланыытыгар, Росстат дааннайынан, сыаната 8,1%-нан эбиллибит.

Манна помидор сыаната эрэгийиэннэринэн араастаһар. Холобур, Ставропольскай кыраайга оҕуруот аһа биир нэдиэлэ иһигэр 16 %-нан эбиллибит. NTech хампаанньа дааннайынан, атырдьах ыйын 31 күнүгэр помидор орто сыаната биир киилэтигэр 151,9 солк. эбит буоллаҕына, балаҕан ыйыгар 170,9 солкуобайга диэри ыараабыт.  Помидор үрдүк сыаната үүннэриитэ элбэх үлэлээҕинэн быһаарыллар.

Чукоткаҕа помидор сыанатынан инники күөҥҥэ сылдьар. Бу эрэгийиэҥҥэ балаҕан ыйыгар биир киилэтэ 772,29 солкуобайга тэҥнэспит.  Саамай  үрдүк сыаналаах биэс эрэгийиэн иһигэр Магадан уобалаһа (биир киилэтэ 751,48 солкуобай), Камчатка кыраайа (654,36 солкуобай), Саха сирэ (322,16 солкуобай) уонна Сахалин уобалаһа (281,91 солкуобай) киирэллэр.