Бүгүҥҥү күҥҥэ ыт бүрүсүлүөһүн харантыына өрөспүүбүлүкэ түөрт пуунугар – Дьокуускайга, Жатайга, Ньурбаҕа, Үөһээ Бүлүүгэ уһулла илик. Дьокуускайга ыарыы турбут сиригэр бэтэринээринэй тэрээһиннэри барытын былаан быһыытынан ыытаннар, биир сиргэ харантыын уһуллубут.
Бэлиэтээн эттэххэ, бүгүҥҥү күҥҥэ Дьокуускайга, Жатайга, Ньурбаҕа уонна Үөһээ Бүлүүгэ уопсайа 12 эпизоотическай очаг баар. Бүгүн, ахсынньы 21 күнүгэр, СӨ бэтэринээрийэтин департаменын салайааччы Петр Лукич Петров брифиҥҥэ маннык иһитиннэрдэ:
— Дьокуускайга бэйдиэ сылдьар ыты быстах кэмҥэ тутар “Помоги выжить” пуун 736 ытыттан бүрүсүлүөскэ анаалыс ылыллыбыта. Ол курдук, Саха сиринээҕи бэтэринээринэй-чинчийэр лабораторияҕа 533 анаалыс бүрүсүлүөс баарын көрдөрбүтэ. 126 анаалыс – уорбаланар, 77 анаалыс ыарыы суоҕун көрдөрбүтэ. Чинчийии ИФА көрүҥүнэн оҥоһуллубута. Пуун ыттарыттан, арай, ытырыык 83 ыттан анаалыс ылыллыбатаҕа. Пуун дириэктэрэ бу ыттартан анаалыс ылары бобон суругунан аккаас киллэрбитэ. Онон бу дьыала административнай матырыйаала СӨ уонна Амур уобалаһын Россельхознадзор управлениеларыгар ыытылынна.
— Ыалдьыбыт ыттары пууҥҥа утутар буоллулар дуо?
— «Помоги выжить” пууҥҥа биир да ыт утутулла илик. РФ Тыатын хаһаайыстыбатын министиэристибэтин 533№-дээх бэтэринээринэй быраабылатын 22 пуунунан бүрүсүлүөскэ анаалыһы биэс ыттан хаттаан ылыы туһунан быһаарылынна. Анаалыс боруобалара Амур уобалаһын бэтэринээринэй килииникэтигэр Благовещенск куоракка ыытылынна. Ону сэргэ бу анаалыстары өссө Санкт-Петербург куораккка баар лабораторияҕа эмиэ ыыттыбыт. Ол эрээри, бары очагтар бары сабылыннахтарына эрэ харантыын уһуллар. Үгүс дьон ыттарын, ону кытта пуун ыттарын утутары утараллар. Ол түмүгэр харантыын тохтууругар өссө да үгүс үлэ ыытыллыан наада.
Суут быһаарбытынан, 41 саастаах сууттанааччы дьахтар урут итирик туруктаах массыына ыыппытын иһин административнай эппиэккэ тардылла…
Үгүстэр тимир көлө бэнсиини элбэҕи «сиирин» оҥоһуллубут сылынан эбэтэр ыраах сүүрбүтүнэн быһаараллар. Ол эрээри, төрүөтэ…
Саха сиригэр «Аҕа-урбаанньыт» диэн өрөспүүбүлүкэтээҕи үөрэх бырайыагар сайаапкалары тутуу саҕаланна. Бу бырайыак РФ Бэрэсидьиэнэ Владимир…
Дьокуускай куораттааҕы үөрэх управлениетын начаалынньыга Мария Петрова саха тылын үөрэтиигэ икки барыйаан баарын эппит. Сахалыы…
РФ, СӨ култууратын үтүөлээх үлэһитэ, 2025 сыллааҕы национальнай уопсастыбаннай бириэмийэ лауреата, Саха сиринээҕи "Симэх" национальнай…
Бу сыл саҕаланыаҕыттан Саха сиригэр 600-чэ тыһыынча квадратнай миэтэрэ дьиэ үлэҕэ киирдэ. Дьыл бүтүүтэ бу…