Помудуору олордуу

Помудуору олордуох иннинэ, арассаадаҕа икки-үс хонукка уу куппаппыт, оччоҕуна умнаһа сымныыр, ону буорга эрийэ тутан олордобут.

Уулаах арассаада сатаан эриллибэт, тостор. Күн уота эргиччи тыгарын курдук, илинтэн арҕаа диэки, итиэннэ бэйэ-бэйэлэриттэн сөбүгэр тэйиччи олородобут. Чугас олортоххо ыга симсэн хаалаллар.

Биир-икки эрэ умнаһынан ыытабыт, умнас атаҕар 25-30 см диэри биир да сэбирдэх  суох буолуохтаах, ити наадалаах сырдыгы хааччыйар. Арыый улааттаҕына, атаҕын буорунан көмөн биэрэбин. Саҥа олордоот көмөн сир тымныытын хаайан кэбистэххэ, үүнээйи үчүгэйдик үүммэт.

Ас кутар кэмигэр наадата суох сэбирдэхтэри сэрэнэн көҕүрэтэбит, ол эрээри киистэтин үөһээ өттүнээҕи сэбирдэхтэри тыыппаппыт, кинилэр аһаталлар.

Е.Гаврильева-Сибэкки Дуунньа «Үрдүк үүнүү кистэлэҥэ» кинигэтиттэн,

«Айар», 2023 с.