Поручитель буоллаххына – бэйэҥ ипэтиэкэ ылбыт курдук буолаҕын

Соторутааҕыта “Саха” НКИХ  ханаалга “Эйгэ” диэн ааттаах биэриини түбэһэ көрдүм. Ыытааччы Ольга Пухова риэлтор Айталы Егорованы ыалдьыттатта. Дьэ, биэрииттэн туох туһалааҕы биллим диэтэххэ:

1. Саҥа дьыл кэнниттэн Уһук Илиҥҥи ипэтиэкэ суумата 9 мөл солк. диэри улааппыт.
2. Биир киһи биир ипэтиэкэнэн эрэ туһанар. Холобура, Уһук Илиҥҥи ипэтиэкэнэн туһанныҥ да бүтэҕин. Урут хас да ипэтиэкэнэн туһаныахха сөп эбит.
3. Оттон ахсынньы 23 күнүгэр диэри Уһук Илиҥҥи ипэтиэкэни ылбыт буоллаххына, аны билигин “дьиэ кэргэн ипэтиэкэтинэн” туһаныаххын сөп.
4. Поручитель буоллаххына, бэйэҥ ипэтиэкэни ылбыт курдук буолаҕын. Онон кимиэхэ эмэ поручитель буолуоххун баҕардаххына, үчүгэйдик ыараҥнатан, толкуйдуоххун наада.
5. Уһук Илиҥҥи гектары ылыы туһалаах буолсу. Сири ылбыт дьон Уһук Илиҥҥи ипэтиэкэҕэ хапсар кыахтаахтар.

Онон үпкэ-харчыга, сокуоҥҥа сыһыаннаах “Эйгэ” биэрии олус туһалаах эбит дии санаатым.