Поруом тохтуур сиригэр көһө сылдьар Быыһыыр пуун туруорулунна

Бу күннэргэ Жатай учаастагар поруом тохтуур сиригэр 100-чэкэ ыарахан уйуктаах тиэхиньикэ уочараттан турар диэн СӨ Быыһыыр сулууспата иһитиннэрэр.

Ол иһин  СӨ Быыһыыр сулууспата поруом туоруур сирин аттыгар көһө сылдьар быыһыыр пууну туруорда. Ону тэҥэ атын сулууспалар уонна биэдэмэстибэлэр дьон куттала суох буолуутун хааччыйар үлэлэрин эмиэ сүрүннүөҕэ.

Пууҥҥа суукканы эргиччи, күнүстэри-түүннэри түөртүү быыһааччы дьуһуурутубалыаҕа. Мобильнай быыһыыр пуун халыҥ балааккаҕа баар, онон тоҥмут дьон киирэн иттиэхтэрин сөп.