#Позывной культура: Эдэр көрөөччүлэр маскировочнай сиэккэлэри баайар маастар-кылаастарга кытыннылар

Эдэр көрөөччү судаарыстыбаннай тыйаатырыгар оҕолор ураты маастар-кылаастарга кытыннылар.

Испэктээктэр иннинэ оҕолор тыйаатыр фойетыгар анал байыаннай дьайыы кыттыылаахтарыгар анаан маскировочнай сиэккэлэри баайар маастар-кылаастарга кытыннылар. СӨ Ил Дарханын уонна Бырабыыталыстыбатын пресс-сулууспатын иһитиннэриитинэн, тэрээһини худуоһунньуктар Мария Иванова уонна Оксана Адамова салайдылар.

«Сиэккэни баайыы бу оҕо эрэлэ, таптала. Оҕолор сүдү кылааты киллэрэллэригэр, улахан дьыаланы оҥороллоругар итэҕэйэллэр. Бу — Кыайыыны чугаһатар», — диэн тэрийээччилэр бэлиэтииллэр.

Оҕолорго маастар-кылаастар кэннэ Алексей Павлов туруоруутугар Аркадий Гайдар «Сказка о военной тайне, о Мальчише-Кибальчише и о его твердом слове» уонна «Кыһыл көмүс мааска» бириэмийэҕэ номинацияламмыт Антон Ботаков туруоруутугар «Фотография на которой меня нет» диэн испэктээкиллэри көрдөрдүлэр.

2025 сыл – Улуу Кыайыы 80 сыла — Арассыыйаҕа Аҕа дойду көмүскээччи, Саха сиригэр — Ийэ дойдуну көмүскээччи сылынан биллэриллибитэ.