#Позывной культура: Ректордар «Кино на службе Отечества» бэстибээл тэрийээччилэрин кытта көрүстүлэр

 «Кино на службе Отечества» бэстибээл  хамаандата Саха сирин үрдүк уонна орто үөрэх тэрилтэлэрин ректордарын уонна салайааччыларын кытта көрсүһүүнү ыытта.

Киинэ бэрэстэбиитэллэрэ патриотическай хайысхалаах иитиигэ ыытыллар тэрээһиннэр суолталааҕын дьүүллэстилэр. Бырайыак ааптара Олеся Шигина уруһуй, литература, муусука уонна киинэ нөҥүө тиһиктээх үлэни ыытарга этии киллэрдэ. Бэстибээл ыалдьыттарыгар «Отцы Донбаса», «Я иду Домой» уонна «Отважные.Про любовь» киинэлэри көрдөрдүлэр.

«Кинематограф ыччаты патриотическай иитиигэ сүҥкэн оруоллаах. Маннык тэрээһиннэр Ийэ дойдуга тапталы иитиигэ, устуоруйа өйдөбүнньүгэр өйү-санааны бөҕөргөтүүгэ уонна иитиигэ көмөлөһөллөр», — диэн Үөрэх уонна билим миниистирин бастакы солбуйааччы Михаил Присяжнай бэлиэтээтэ.

Бүтүн Арассыыйатааҕы көһө сылдьар бэстибээл дойду Бэрэсидьиэнэ Владимир Владимирович Путин сорудаҕынан 2023 сыллаахха тэриллибитэ, оттон 2024 сылтан аан дойду статуһун ылбыта. Бэстибээл кыттыылаахтара кинематография, муусука уонна живопись көмөтүнэн байыастар хорсун быһыыларын уонна дойду инники кэскилин туһунан  кэпсииллэр, диэн СӨ Ил Дарханын уонна Бырабыытиалыстыбатын пресс-сулууспата суруйар.