Хаартыска: sakha.gov.ru
Өрөспүүбүлүкэ бастакы Бэрэсидьиэнэ Михаил Николаев көҕүлээһининэн «Муусука барыларыларыгар» бырайыак чэрчитинэн Ф.И. Авдеева аатынан Оҕо айымньытын Дыбарыаһын кэнсиэрдиир саалатыгар «Улуу Кыайыы нэһиэнньиктэрэ» кэнсиэр буолла.
Киин куорат оскуоларыттан уонна уһуйааннартан талааннаах оҕолор Аҕа дойду Улуу сэриитигэр сыһыаннаах ырыалары ыллаатылар, муусукаҕа оонньоотулар. Тэрийээччилэр бэлиэтээбиттэринэн, көрөөччүлэр хас биирдии нүөмэри дохсун ытыс тыаһынан доҕуһуоллаатылар. Кинилэр ордук Максим Грузных ыллаабыт «Смуглянкатын», Елизавета Константинова «Синий платочегын» бэлиэтээтилэр. Маны таһынан, кэнсиэргэ өрөспүүбүлүкэ биллиилээх ырыаһыттара Екатерина Захарова, Сахаайа, Григорий Петров, Дмитрий Келлер, Владимир Шпанскай уонна Александр Карманов кыттыыны ыллылар.
Нүөмэрдэри Оҕо айымньытын дыбарыаһын оркестра – Людмила Белолюбская салайар Арассыыйа оҕо образцовай кэлэктиибэ доҕуһуоллаата. Эдэр мусукааннары кытта биир тэҥҥэ Николай Петров салайааччылаах (дирижер – Анюта Иванова) С.А. Зверев – Кыыл Уола аатынан Үҥкүү Национальнай тыйаатырын оркестра оонньоото.
Кэнсиэр устатын тухары улахан экраҥҥа Аҕа дойду Улуу сэриитин хаартыскаларын уонна хроникатын көрдөрөн, ол сыллардааҕы кэми санаттылар.
2025 сыл Арассыыйаҕа — Аҕа дойдуну көмүскээччи, Саха сиригэр – Ийэ дойдуну көмүскээччи сылынан биллэриллибитэ.
«Арассыыйа Бэрэсидьиэнэ Владимир Путин кулун тутар 27 күнүгэр Мурманскайга «Арктика – территория диалога» VI норуоттар…
Прокопий Дмитриевич Рахлеев салайар "Төлөн" уопсастыбаҕа барыта 108 олохтоох дьон үлэлии-хамсыы, дьон олоҕун уйгутун уһанса…
Кулун тутар 26-30 күннэригэр Санкт-Петербург куоракка «Үгэстэри харыстыыбыт» («Сохраняем традиции») "Северная Радуга" 11-с төгүлүн ыытыллар…
Кулун тутар 29 күнүгэр Дьокуускайга Кыайыы 80 сылын көрсө уонна дойдуга Аҕа дойдуну көмүскээччи, өрөспүүбүлүкэҕэ…
Уһук Илин Федеральнай уокурук 11 эрэгийиэнин суруналыыстарыгар аналлаах куонкурус аан бастакытын ыытыллар. Айылҕа харыстабылыгар сыһыаннаах…
Кулун тутар 28 күнүгэр Уус Алданнааҕы нэһилиэнньэ социальнай көмүскэлин кэлим киинин (сал. Сергеев И.И.) стационарнай…