Хаартыска: sakha.gov.ru
«Аҕа дойдуну көмүскээччилэрэ» пуонда филиалыгар «Бойобуой доҕордоһуу чаҕылхай туоһулара» («Там, где мы, там – победа!») кинигэ билиһиннэриитэ буолан ааста. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Кинигэ Арассыыйа Дьоруойа ДНӨ олоҕун толук уурбут, муора пехотиниһа Дмитрий Егоровка — «Сунтаар» уонна кини бойобуой доҕоро Николай Романовка — «Ронин» хорсун быһыыларыгар ананар. Кинилэр хорсун быһыылара, дьиҥнээх бойобуой бырааттыы, төрөөбүт дойдуларыгар бэриниилээх буолууларын холобурунан буолаллар.
Кинигэни билиһиннэриигэ дьоруойдар чугас аймахтара, муниципальнай улуустар баһылыктара уонна уопсастыбанньыктар кытыннылар. Тэрээһин Дьоруойдар дьиэ кэргэттэрин уонна Аҕа дойдуну көмүскээччилэри түмэр улахан суолталаах түгэнинэн буолла.
«Пуонда филиала дьоруойдар, кинилэр хорсун быһыыларын, Ийэ дойдуну көмүскүүргэ туһуламмыт көҕүлээһиннэри өйүүр. «Бойобуой доҕордоһуу чаҕылхай туоһулара» диэн кинигэ Дмитрий Егоровка уонна Николай Романовка эрэ буолбакка, дьиҥнээх доҕордоһуу устуоруйата уонна бу тиһэх күннэригэр диэри икки бойобуой табаарыстыылар бэйэ-бэйэлэригэр бэриниилээх, чахчы табаарыстыы буолууларын көрдөрөр», — диэн «Аҕа дойдуну көмүскээччилэрэ» пуонда филиалын салайааччыта Алексей Александров бэлиэтээн эттэ.
Кинигэ кытаанах тастаах, элбэх хаартыскалардаах, 100-тэн тахса страницалаах. Кинигэ тираһа 1000 экземпляр. Саас кинигэҕэ олоҕуран толору метражтаах киинэ уһуллуута саҕаланыа.
#ПозывнойКультура
Саха сирин Борокуратуурата иһитиннэрэринэн, Өлүөхүмэ куорат дьаһалтата ыкка ытыртарбыт оҕо төрөппүттэригэр 500 тыһыынча солкуобайы төлөөтө. …
Сибэкки дьөрбөтүн оҥорор буоллахха, араас-араас өҥүттэн хомуйар ордугун психологтар сүбэлииллэр: Кыһыл - киһиэхэ күүс-уох, сэниэ…
Саха сиригэр кэнники уонча сылга сандал сааспыт биллэ эрдэ кэлэр буолла. Өскөтүн урут олунньуга кырачаан…
Кыайыы 80 сылын көрсө Дьокуускай куоракка ''Якутяне - труженики тыла'' бырайыак үлэтин саҕалаата. Өрөспүүбүлүкэтээҕи медиакииҥҥэ…
Дьокуускай куорат борокуратуурата ИДьМ Силиэстийэлиир управлениета РФ ХК 159 ыст. 3 ч. (улахан кээмэйдээх түөкүннээһин)…
Элбэх көрөөччү көрдөһүүтүнэн, “Аламай таас” сэрийээли көрбөтөх дьоҥҥо “Саха” НКИХ өссө төгүл хатылыаҕа. Алмаас бырамыысыланнаһыгар…