#ПозывнойКультура: Бэйиэт-байыастарга анаммыт литературнай биэчэр буолан ааста

Уус Маайаҕа  байыаннай дьайыы кыттыылаахтара, бэйиэттэр Валерий Волков уонна Олег Кириллин айар үлэлэригэр анаммыт литературнай биэчэр буолла. Кинилэр байыаннай дьайыыга дойдуларын көмүскүү сылдьан сураҕа суох сүппүттэрэ…

Тэрээһиҥҥэ байыастар аймахтара, чугас дьоно, биир дойдулаахтара кытыннылар.

Биэчэри түмэл үлэһиттэрэ уонна «Защитники Отечества» пуонда Уус Маайатааҕы координатора Ольга Захарова иилээн-саҕалаан ыыттылар. Литературнай биэчэр кэмигэр бэйиэт-байыастар хоһооннорун аахтылар.

Тэрээһин түмүгэр тэрийээччилэр «сухой-душ» оҥоһуутугар маастар-кылаас ыыттылар. Маастар-кылааһы Литературнай түмэл  дириэктэрэ Оксана Давыдова ыытта. Барыта холбоон 70 кэмпилиэк оҥоһуллубут. Сотору кэминэн бу суунар тэриллэр гуманитарнай көмө  быһыытынан байыаннай дьайыыга тиэрдиллиэхтэрэ.