Хаартыска sakha.gov.ru ылылынна
2025 сылы култуура тэрилтэлэрэ командировкаттан саҕалаатылар.
Бу бөлөххө Ем.Ярославскай аатынан түмэл дириэктэрэ Николай Бугаев, Алексей Егоров («Сахафильм»), Опера уонна балет тыйаатырыттан Владислав Левочкин, Саха академическай драматическай тыйаатыртан Петр Макаров бааллар.
Маны сэргэ, үп-харчы, көмө хомуйуутугар А.С.Пушкин аатынан драматическай тыйаатыр, Үүнэр көлүөнэ тыйаатыра, Хотугу сир төрүт олохтоох аҕыйах ахсааннаах норуоттарын тыйаатыра, Хомус түмэлэ, уо.д.а. кытыннылар. Бу уопсай күүһүнэн хомуллубут харчынан икки дизель-генератор ылыллыбыт, 20 автономнай дизель оһох, хаһаайыстыбаннай тэриллэр, уо.д.а. элбэх атыылаһыллыбыт. Бу тэриллэр, «Боевые шелкопряды Якутии» хамсааһын бэлэмнээбит хаххалыыр сиэккэлэрэ этэрээттэргэ бэриллибиттэр.
Бөлөх тирэх пууннар үлэһиттэрин, волонтердары кытары көрсүбүт. Маны сэргэ, Москва уонна Ростов уобаластарыгар госпиталларга сылдьыбыттар. Кинилэр байыастары көрсөн кэпсэппиттэр уонна Саха академическай драматическай тыйаатырын, Опера уонна балет тыйаатырын үлэһиттэрэ бэлэмнээн ыыппыт астарын-үөллэрин, үөрэнээччилэр суруктарын уонна оҥорбут харысхалларын биэрбиттэр.
Докучаевскай баһылыгын Александр Качановы, ДНӨ култууратын миниистирэ Михаил Желтяковы, Луганскайдааҕы кыраайы үөрэтэр түмэл дириэктэрэ Артем Рубченконы, Луганскайдааҕы музыкальнай драматическай тыйаатыр дириэктэрин Виталий Балджины кытары көрсөн бииргэ үлэлииргэ уонна көмөлөөн аахсыйалары тэрийэн ыытарга дуогабардаспыттар.
СӨ Ил Дархана Айсен Николаев Ил Түмэҥҥэ Анал этиитигэр, 2024 сыл тохсунньутуттан ДНӨ Докучаевскай куорат уокуругун чөлүгэр түһэрии үлэтэ саҕаламмытын, ыкса сибээс олохтоммут оройуонун дьоно-сэргэтэ Саха сирин көмөтүн, кыһамньытын иһин махтаналларын бэлиэтээбитэ.
2024 сылга 65 эбийиэк өрөмүөннэммитэ. Докучаевскайга Саха сирин миэдиктэрэ үлэлииллэр, кинилэр сүүһүнэн киһиэхэ көмөлөһөллөр.
СӨ Ил Дарханын уонна Бырабыыталыстыбатын пресс-сулууспата
Байыаннай дьайыы бэтэрээнэ "Аҕа дойдуну көмүскээччи" пуонда филиалын көмөтүнэн "Юнармия" байыаннай-патриотическай хамсааһын ыстаабын начаалынньыгынан буолла. …
Хорообут нэһилиэгин баһылыга Гаврил Бродников аара көрсөн «Алаас-Ас» тыа хаһаайыстыбатын потребительскай кооперативыгар илтэ. Онон аан…
СӨ Бырабыыталыстыбатын отчуота быйыл олунньу 3 күнүттэн Горнай улууһуттан саҕаланыа. Улуус олохтоохторун кытары СӨ Бырабыыталыстыбатын…
Имири эстибит аарыма кыыл – сэлии күн бүгүҥҥэ диэри дьону долгутар, арыый эмэ үчүгэй туруктаах…
2025 сыл тохсунньу 1 күнүттэн биир кэлим босуобуйаны анааһын быраабылалара уларыйдылар диэн Социальнай пуонда Саха…
СӨ Култуура нэһилиэстибэтин харыстабылын управлениетын салайааччытын солбуйааччыта Гаврил Терентьев бүгүн, тохсунньу 31 күнүгэр, социальнай ситимнэринэн…