Хаартыска sakha.gov.ru ылылынна
2025 сылы култуура тэрилтэлэрэ командировкаттан саҕалаатылар.
Бу бөлөххө Ем.Ярославскай аатынан түмэл дириэктэрэ Николай Бугаев, Алексей Егоров («Сахафильм»), Опера уонна балет тыйаатырыттан Владислав Левочкин, Саха академическай драматическай тыйаатыртан Петр Макаров бааллар.
Маны сэргэ, үп-харчы, көмө хомуйуутугар А.С.Пушкин аатынан драматическай тыйаатыр, Үүнэр көлүөнэ тыйаатыра, Хотугу сир төрүт олохтоох аҕыйах ахсааннаах норуоттарын тыйаатыра, Хомус түмэлэ, уо.д.а. кытыннылар. Бу уопсай күүһүнэн хомуллубут харчынан икки дизель-генератор ылыллыбыт, 20 автономнай дизель оһох, хаһаайыстыбаннай тэриллэр, уо.д.а. элбэх атыылаһыллыбыт. Бу тэриллэр, «Боевые шелкопряды Якутии» хамсааһын бэлэмнээбит хаххалыыр сиэккэлэрэ этэрээттэргэ бэриллибиттэр.
Бөлөх тирэх пууннар үлэһиттэрин, волонтердары кытары көрсүбүт. Маны сэргэ, Москва уонна Ростов уобаластарыгар госпиталларга сылдьыбыттар. Кинилэр байыастары көрсөн кэпсэппиттэр уонна Саха академическай драматическай тыйаатырын, Опера уонна балет тыйаатырын үлэһиттэрэ бэлэмнээн ыыппыт астарын-үөллэрин, үөрэнээччилэр суруктарын уонна оҥорбут харысхалларын биэрбиттэр.
Докучаевскай баһылыгын Александр Качановы, ДНӨ култууратын миниистирэ Михаил Желтяковы, Луганскайдааҕы кыраайы үөрэтэр түмэл дириэктэрэ Артем Рубченконы, Луганскайдааҕы музыкальнай драматическай тыйаатыр дириэктэрин Виталий Балджины кытары көрсөн бииргэ үлэлииргэ уонна көмөлөөн аахсыйалары тэрийэн ыытарга дуогабардаспыттар.
СӨ Ил Дархана Айсен Николаев Ил Түмэҥҥэ Анал этиитигэр, 2024 сыл тохсунньутуттан ДНӨ Докучаевскай куорат уокуругун чөлүгэр түһэрии үлэтэ саҕаламмытын, ыкса сибээс олохтоммут оройуонун дьоно-сэргэтэ Саха сирин көмөтүн, кыһамньытын иһин махтаналларын бэлиэтээбитэ.
2024 сылга 65 эбийиэк өрөмүөннэммитэ. Докучаевскайга Саха сирин миэдиктэрэ үлэлииллэр, кинилэр сүүһүнэн киһиэхэ көмөлөһөллөр.
СӨ Ил Дарханын уонна Бырабыыталыстыбатын пресс-сулууспата
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллиитин туһунан…
Саҥа дьыллааҕы сиэр-туом хаһааҥҥыттан олохсуйбута биллибэт эрээри, дьон тутуһар: 1.Үүнэр сылга харчы кыһалҕата кыһарыйбатын туһугар,…
Ил Дархан Айсен Николаев оҥорон таһаарыы уонна туһаныы бөҕүн-сыыһын, ол иһигэр кытаанах тобохтору (КТ) туһаныы…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…