Хаартыска: Павел Семенов тиксэриитэ
Дьокуускайга А.Пушкин аатынан Нуучча академическай драматическай тыйаатырыгар муус устар 30, ыам ыйын 1 күннэригэр Москваттан «Поколение» оҕо музыкальнай-драматическай тыйаатыра кэлэн ыалдьыттыа.
Кинилэр «Рубеж героев» испэктээги көрдөрүөхтэрэ. Бу суруйааччы Василь Быков «Третья ракета» диэн сэһэнинэн испэктээк дьиҥнээх буолбут түбэлтэҕэ олоҕурбут. Испэктээги олунньу 23 күнүгэр Москваҕа көрдөрбүттэрэ. Онно Саха сириттэн эстрада тыйаатырын солиһа, СӨ култууратын үтүөлээх артыыһа Байбал Сэмэнэп кыттыыны ылбыта. Кини Өймөкөөнтөн сылдьар саллаат Попов оруолун толорор.
«Мин бу испэктээккэ кыттыым — 1942 сыллаахха Сталинградка кыргыһыыга сураҕа суох сүппүт аймахпытыгар сүгүрүйүүм бэлиэтинэн буолар. Бу мюзикл буолбатах, драма. Манна мин төрөөбүт дойдуга ахтылҕан туһунан биир ырыаны ыллыыбын. Саалаҕа мустубут дьон улаханнык долгуйан олорон көрдүлэр. «Браво» хаһыынан уруйдаатылар. Көрөөччүлэр бука бары: оҕолор, улахан дьон, эдэрдэр, аҕам саастаахтар бука бары«, — диэн Байбал Сэмэнэп кэпсиир.
«Билигин биһиги байыастарбыт Ийэ дойдуга эйэлээх олох иһин туруулаһаллар, испэктээккэ эмиэ оннук. Байыас Попов сэрии толоонугар хамандыырын сырдык тыына быстыбытыгар, доҕотторун иэдээҥҥэ бырахпат туһугар хамаанданы бэйэтигэр ылар. Бары биир дьиэ кэргэн курдук тутуспутунан эйэлээх олох иһин тиһэҕэр тиийэ туруулаһаллар«, — диэн бэлиэтиир кини.
«Рубеж героев» испэктээк 2021 сыллаахха туруоруллубут. Онтон ыла испэктээги олуньу 23, ыам ыйын 9 уонна бэс ыйын 22 күннэригэр «Поколение» тыйаатырга көрдөрөллөр.
2025 сыл Арассыыйаҕа Аҕа дойдуну, Саха сиригэр Ийэ дойдуну көмүскээччи сылларынан биллэриллибитэ.
СӨ Ил Дарханын уонна Бырабыыталыстыбатын пресс-сулууспата
Хаартыскалар Павел Семенов тиксэриилэрэ
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…
Сэтинньи 4-6 күннэригэр Дьокуускайга ыытыллыбыт «Норуот уонна аармыйа түмсүүлээхтэр» үһүс өрөспүүбүлүкэтээҕи фашизмы утары пуорум пленарнай…