Хаартыска: sakha.gov.ru
ДНӨ уокуругар Докучаевскай куораттааҕы уокурук Еленовка бөһүөлэгэр Саха сирин исписэлиистэрэ Култуура дьиэтин чөлүгэр түһэрэн баран, бу күннэргэ көрөөччүлэр саалаларыгар 100 кириэһилэни туруоран саҕалаатылар.
“Бэрэсидьиэн гранын пуондатынан хааччыйыы ыытыллар. Ол көмөтүнэн Култуура дьиэтигэр сыана таҥаһа, уотун уонна муусукатын тэрилэ уонна кириэһилэлэр баар буолуохтара. Бөһүөлэк олохтоохторо кинилэрдиин шефтэһэр Саха сиригэр Еленовкатааҕы Култуура дьиэтигэр өрөмүөнү түмүктээбиттэрин иһин махтаналлар”, — диэтэ дириэктэр Кристина Скорик.
Өрөмүөннүүр-чөлүгэр түһэрэр үлэ кэмигэр Саха сирин исписэлиистэрэ Култуура дьиэтин үрдүн саптылар, кирилиэһин саҥартылар, түннүктэрин пластикка уларыттылар уо.д.а. Дьиэни саҥардан, сөргүтэн оҥорон баран, кинилэр аспаалы тэлгэттилэр.
Кристина Скорик этэринэн, бу тэрилтэ аҥаардас тэрээһиннэри ыытар эрэ сиринэн буолбакка, бүтүн Докучаевскай уокуругун социальнай инфраструктуратын дьоһун-мааны миэстэтинэн буолуоҕа.
Санаттахха, Саха сирэ 2024 сылтан Донецкай Норуодунай Өрөспүүбүлүкэҕэ Докучаевскай куораттааҕы уокуругу чөлүгэр түһэрэр. Былырыын куорат 61 эбийиэгэр үлэлэр түмүктэммиттэрэ. Сыл саҕаланыаҕыттан 837 эпэрээссийэни эмчиттэр биригээдэлэрэ оҥордо. Ол курдук, харах быраастара 283 эпэрээссийэни, хирург уонна травматолог 554 тахса эпэрээссийэни оҥорбуттара биллэр.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Күн-дьыл туруга бу күннэргэ хайдаҕый? Күнү-дьылы кэтээн көрөөччүлэр туох дииллэрий? Ленскэйгэ, Халыма-Индигиир улуустарыгар, күнүс киин,…
Бу нэдиэлэ харчыны ааҕарга, докумуону бэрээдэктииргэ уонна чуолкай былааны оҥосторго табыгастаах кэм. Венера, баай-дуол планетата,…
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…