Хаартыска: sakha.gov.ru ылылынна
Саха сиригэр ырааҕы ытыыга Бүтүн Арассыыйатааҕы турнир туһунан документальнай киинэ премьерата буолла.
Кулун тутар 2 күнүгэр Сэбиэскэй Сойуус Дьоруойа Федор Матвеевич Охлопков төрөөбүт күнэ. Бу бэлиэ күнүнэн документальнай киинэ премьерата буолла. Арассыыйа бойобуой снайпиҥҥа Федерациятын ырааҕы ытыыга Бүтүн Арассыыйатааҕы турнирын туһунан. Бу Саха сиригэр олоҕурбут күрэхтэһии снайпер сырдык кэриэһигэр ананна.
Киинэни 2024 с. алтынньы 12-13 күннэригэр «Сулус» үөрэтэр кииҥҥэ буолбут иккис турнирга устубуттар. Онно Уһук Илин эрэгийиэннэриттэн уонна дойдубут сириттэн-уотуттан, ол иһигэр байыаннай дьайыы кыттыылаахтара, барыта 140 киһи кыттыыны ылбыта.
30 мүнүүтэлээх документальнай киинэ дьоруойдара ырааҕы ытыы, турнир туһунан кэпсээбиттэр.
«Арассыыйаҕа оскуолаларга НВП үөрэтии киирэригэр эрэнэбин. Ол үөрэтии иитинэн, идэлэрин бэйэлэрэ быһаарынан талыахтара. Эр киһи Ийэ дойдутун таптыырын таһынан, сатаан көмүскүүр буолуохтаах», — диэн Бырабыыталыстыба бэрэссэдээтэлин солбуйааччы — РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев этэн турар.
Турнир аһыллыытыгар СӨ Ил Дархана Айсен Николаев Саха сирэ хорсун-хоодуот көмүскээччилэрдээҕин, Аҕа дойду уоттаах сэриитигэр, бойобуой дьайыыга дьоруойдуу быһыыны оҥорбут биллэр-көстөр дьонооҕун бэлиэтээбитэ.
Саха сиригэр ырааҕы ытыыга турниры тэрийээччилэринэн «Буойун» байыаннай-спортивнай бэлэмнээһин уонна патриотическай иитии киинэ, СӨ Бырабыыталыстыбата, «Федерация боевого снайпинга» МОО буолаллар. Турнир Дьокуускайга Юрий Трутнев сорудаҕынан тутуллубут «Сулус» кииҥҥэ ыытыллыбыта. Вице-премьер онно РФ Бэрэсидьиэнэ Владимир Путин байыаннай-спортивнай бэлэмнэнии уонна патриотическай иитии кииннэрин тэрийэргэ сыал-сорук туруорбутун туһунан бэлиэтээбитэ.
Сиһилии: https://www.sakha.gov.ru/news/front/view/id/3485464 киирэн көрүҥ.
СӨ Ил Дарханын уонна Бырабыыталыстыбатын пресс-сулууспата
Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…