Премьер-миниистир Михаил Мишустин Владивостокка үлэлиир
![](https://sakha-sire.ru/wp-content/uploads/2023/07/e57ba1be5601b352ece80d94a53f621bec7fa733.jpg)
Бүгүн, от ыйын 28 күнүгэр, РФ Бырабыыталыстыбатын Бэрэссэдээтэлэ Михаил Мишустин Уһук Илиҥҥэ оробуочай сырыытын чэрчитинэн Владивосток куоракка үлэлиир. Көрсүһүүгэ Уһук Илин куораттарын уонна сэлиэнньэлэрин сайдыытын боппуруостарын көрүөхтэрэ.
Санатан суруйдахха, Арассыыйа бэрэсидьиэнин сорудаҕынан дойду бырабыыталыстыбата Уһук Илиҥҥэ дьон олоҕун хаачыстыбатын тупсарарга уопсайа 11 стратегическай көҕүлээһини оҥорбута. Ол иһигэр, дьиэлэри тутуу, исписэлиистэри бэлэмнээһин, доруобуйа харыстабылын хаачыстыбатын тупсарыы уо.д.а.
Национальнай бырайыактар чэрчилэринэн Саха сиригэр доруобуйа харыстабылын эйгэтэ көхтөөхтүк сайдар. Бүтэһик сылларга балыыһалар, биэлсэр-акушер пууннара, амбулаториялар тутулуннулар. Ону таһынан, «земскэй дуоктар», «земскэй биэлсэр» курдук араас бырагыраамалар үлэҕэ киирдилэр.
«Биһиги бу үлэни тохтоппокко салгыы ыытыахпытын наада», — диэн Мишустин бэлиэтээтэ.
Сообщить об опечатке
Текст, который будет отправлен нашим редакторам: