Хаартыска: Ил Дархан уонна СӨ Бырабыыталыстыбатын пресс-сулууспата.
Бырабыыталыстыба бэрэссэдээтэлин солбуйааччы -Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев Уһук Илин социальнай-экономическай сайдыытыгар бырабыыталыстыба хамыыһыйатын президиумун мунньаҕын ыытта.
Суолталаах тэрээһиҥҥэ Ил Дархан Айсен Николаев кыттыыны ылла. Мунньах ВЭБ.РФ судаарыстыбаннай сайдыы корпорациятыттан чэпчэтиилээх үбүлээһин көрүҥүнэн судаарыстыба өйөбүлүнэн туһаныан сөптөөх инвестиция бырайыактарын олоххо киллэрии туһунан кэпсэтии буолла. Юрий Трутнев “кирэдьиити аныыр хамыыһыйа ыытылла илик, ол эрээри бириэмэ баран иһэринэн сибээстээн, мэктиэбитин эрдэттэн биэрэн, үлэ баран иһэрин туһугар бастакы быһаарыыны ылыныахпыт” диэн бэлиэтээтэ.
Уһук Илиҥҥэ уонна Арктикаҕа олоххо киллэрэргэ былааннаммыт инвестиция бырайыактарын анаалыстааһын түмүгүнэн бастакы уонна иккис кыбаарталларга үбүлээһиҥҥэ түбэһэр тоҕус бырайыак испииһэгэ оҥоһуллубут. “Бырайыактар экэниэмикэҕэ көдьүүстэрэ, нэһилиэнньэ ахсаанын хабыылара, генеральнай маастар-былааннарга киирсэллэрэ, “технология” уонна “туризм” салааларыгар сыһыаннаахтара учуоттанна”, — диэн бэлиэтээтэ Арассыыйа Уһук Илин уонна Арктика сайдыытыгар миниистирэ Алексей Чекунков.
ВЭБ.РФ бэрэссэдээтэлин солбуйааччы Артем Довлатов иһитиннэрбитинэн, уопсайа 100 млрд тахса солкуобайдаах чэпчэтиилээх үбүлээһини хааччыйыыга Уһук Илин алта эрэгийиэнин бырайыага өйөннө. «Технология эйгэтигэр бу бырайыактарга сиһилии үлэлэһиэхпит, ол курдук Амур уобалаһыгар оҥорон производственнай-логистическай комплексын тэрийии, Забайкальеҕа мультимодальнай тырааныспар-логистика комплексын тутуу, Хабаровскай кыраайга Уһук Илиҥҥи автокластеры тэрийии Русскай Арыыга инновационнай научнай уонна технологическай киини тутуу», – диэн бэлиэтээтэ Артем Довлатов.
Сиһилии президиум мунньаҕын бу сигэҕэ https://www.sakha.gov.ru/news/front/view/id/3481789 киирэн ааҕыҥ.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…