Пригороднай олохтоохторо байыаннай дьайыыга көмөлөһөллөр

Дьокуускай куорат Пригороднай бөһүөлэгэр олох күөстүү оргуйар. Дэриэбинэ көхтөөх дьахталларын сэбиэтэ маскировкалыыр сиэккэлэри, ону сэргэ балаакка буолар (плащ) былаастары тигэллэр.

Бу ааспыт өрөбүллэргэ кинилэр эмиэ үлэлэрин салҕаатылар. Маны сэргэ олохтоохтортон байыаннай дьайыыга анаан сылаас таҥастары хомуйар аахсыйаны биллэрбиттэрэ. Маны сэргэ, оскуола уонна «Жемчужинка» уһуйаан кэллэктиибэ, олохтоох дьаһалта буолан байыаннай дьайыы кыттыылаахтарын дьиэ кэргэттэригэр муус ылан, дьиэлэринэн тарҕаттылар.