Пригороднайдааҕы дьахтар сэбиэтэ: “Бэйэбит анал иистэнэр хостоннубут”

Бу күннэргэ Пригороднай сэлиэнньэ дьаһалтатын салайааччыта  Василий Егорович Пинигин өйөбүлүнэн дьахтар сүбэтэ бэйэтэ туспа анал иистэнэр хостонно.

“Василий Егорович салайааччынан биир сыл кэриҥэ үлэлээтэ, Пригороднайбыт биллэ тубуста, сэргэхсийдэ. Кини дьону түмэр дьоҕурдаах буолан, эдэр буоллун, кырдьаҕас буоллун, барыларын кытта биир тылы булан,  сөптөөхтүк дьаһайар.  Пригороднайбыт тупсарыгар, сайдарыгар элбэх ситиһиилээх, кэскиллээх үлэни ыытта. Биһиги дьахтар сэбиэтин аатыттан Василий Егоровичка махтанабыт! – диир Пригородтааҕы дьахтар сэбиэтин бэрэссэдээтэлэ Чэмэлиинэ Скрябина. — Ааспыт өрөбүлгэ биһиги  ыҥырыыбытын ылынан, норуот эмчитэ, билгэһит Любовь Евдокимова уонна Ульяна Назарова кэлэннэр, хоспутун ыраастаан, алгыстаах алаадьынан күндүлээн алҕаабыттара. Маны сэргэ, Дьокуускайдааҕы куорат дууматын дьокутаата Иван Салатюк биһиэхэ  иистэнэр массыына бэлэхтээтэ. Онон бу бэлиэ күн кыргыттар бары ирэ-хоро кэпсэтэн, байыаннай дьайыы кыттыылаахтарыгар хаххалыыр сиэккэни баайан, плащ-балааккаларын быһан, бэлэмнээн күнү туһалаахтык атаардыбыт”.