Өксөкүлээх Өлөксөй аатынан норуоттар доҕордоһууларын дьиэтигэр “Саха сирэ сомоҕолуур. Ыччат омук – инники кэскилэ” диэн ааттаах Уһук Илиҥҥи эрэгийиэннэрин норуоттарын пуорумугар сэттэ кыраай уонна уобалас бэрэстэбиитэллэрэ кыттыыны ыллылар.
Кинилэртэн биирдэстэрэ — Приморскай кыраай норуоттарын ассамблеятын сэбиэтин салайааччытын солбуйааччы Татьяна Табунщикова. Кини бу суолталаах уопсастыбаннай тэрилтэ 20 сыл устата араас омугу сомоҕолуур кэккэ үлэни ыытарын бэлиэтээтэ:
— Приморскай кыраайга 158 омук иллээх дьиэ кэргэн буолан олорор. 49 этническэй уопсастыбаннай тэрилтэ үлэлиир. 20 аҕыйах ахсааннаах норуоттар түмсүүлэрэ баар. 333 араас религиознай тэрилтэ баар. Биһиги ассамблеябыт бу уопсастыбаннай тэрилтэлэри биир тыыннаан үлэлэтэр, кинилэри өйүүр, араас бырайыактарын олоххо киллэрэргэ көмөлөһөр. Ассамблея иһинэн омук ийэлэрин кулууптарын тэрийэр былааннаахпыт. Бу туһунан Приморскай кыраай 9-с кэнгириэһигэр сүбэлэһиэхпит.
Татьяна Табунщикова пуорум кыттыылаахтарыгар бэйэтэ оҥорбут бырайыагын билиһиннэрдэ. Бу оскуола обургу оҕолоругар анаан патриотическай иитиигэ туһуламмыт Приморскай кыраайга олорор омуктар тустарынан анал уруоктары ыытарга аналлаах үөрэх пособиета. Кинигэни Владивосток куорат оскуолаларыгар кылаас салайааччылара тутталлар эбит. Өҥнөөх хаартыскалаах буолан, пособие оҕолор интэриэстэрин тарпыт.
Пуорум кыттыылаахтара бастаан утаа бу кинигэни ааптар тэйиччиттэн кэпсээбитин олус болҕомтолоохтук истибиттэрэ. Онтон пуорум түмүгэр быыстапкаҕа туруоран баран, ол аттыгар дьон санаатын хомуйар лиистэри уурбуттар этэ. Владивостоктан сылдьар Татьяна Табунщикова бырайыагын аттыгар киһи бөҕө тоҕуоруспута уонна кини кэпсээбит кинигэтин бары арыйталаан көрбүттэрэ, үгүс ыйытыыны биэрбиттэрэ.
Пуорум кыттыылаахтара кинигэ ааптарын кытта салгыы сибээстэһээри, электроннай почталарын кытта ыйбыттар этэ. Онон олус туһалаах тэрээһин буолбута мантан да көстөр.
Ити курдук, атын эрэгийиэннэр бэрэстэбиитэллэрэ эмиэ бэйэлэрин уопуттарын атастаһан, киһи батыһар холобурдарын пуорум кыттыылаахтара бэлиэтэнэн ыллылар.
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…