Хаартыска: СИА.
Билбэт киһититтэн “Привет! Бу эн буолбатах дуо?” диэн суруктаах хартыына кэбитин арыйан, иэскэ, кирэдьииккэ киирбит.
54 саастаах Жатай олохтооҕо дьахтар кини аатынан билбэт дьоно 59000 солк. иэс уонна бааҥҥа 158 000 солк. кирэдьиит оҥорторбуттарын көрөн, полицияҕа тиийбит. Ону тэҥэ, билбэт дьоно тус кэбиниэтигэр киирэн, сөмөлүөккэ билиэтин төнүннэрбиттэр. Онон эмсэҕэлээччи дьахтар муус устарга кэтэһиилээх уоппускатыгар көтөр инниттэн хаттаан билиэт ыларыгар бириэмэтин, сыратын-сылбатын бараабыт.
Барыта кини Телеграмыгар: “Бу эн буолбатаххын дуо?” диэн суруктаах хаартыскалаах суруктан саҕаламмыт. Угаайы буоларын билбэккэ дьахтар хаартысканы арыйбыта эбисийээнэ уруһуйа эбит. Ким эрэ соччото суох хаадьыта дии санаан баран уруһуйу саппыт уонна бэйэтин дьыалатынан дьарыктана барбыт. Сарсыарда туран түүн устата билбэт нүөмэрдэриттэн олус элбэхтэ төлөпүөннээбиттэрин көрбүт, ону тэҥэ, кодтардаах смс иһитиннэриилэр кэлбиттэр. Ол смс ортолоругар бэйэтин бааныттан эрдэ ылбыт сөмөлүөт билиэтин төнүннэрбит харчыта киирбитин туһунан иһитиннэрии баар эбит. Эмсэҕэлээччи сэрэйэн, тус кэбиниэтигэр киирэр көҥүлү тохтотор инниттэн бааннарга төлөпүөннээбит, кирэдьииккэ “самозапрет” туруорбут, ону тэҥэ, кирэдьиит устуоруйатын бюротуттан ыспараапка ыыттарбыт. Хоруйа ол күн кэлбит, онно көрбүтэ кини аатыгар билбэт дьоно иэс, кирэдьиит оҥорторо охсубуттар эбит.
Тустаах түгэнинэн кэккэ суһал-көрдүүр тэрээһиннэр ыытыллаллар. Холуобунай дьыаланы көбүтэр туһунан боппуруоска быһаарыы ылыныллар.
Онон ИДЬМ өссө төгүл сэрэтэр – эһиги билэр киһигититтэн даҕаны кэлбит сигэни (ссылканы), уруһуйдаах файлы туох да иһин арыйымаҥ! Билэр киһигит аккаунун алдьатан киирэн эһиэхэ түөкүттэр суруйа олорор буолуохтарын сөп! Болҕомтолоох буолуҥ! Бу туһунан СӨ ИДьМ пресс-сулууспата суруйар.
Дьокуускай куорат полициятын 3-с нүөмэрдээх салаатын учаастактааҕы боломуочунайдара Уус Алдан улууһуттан төрүттээх, урут сууттана сылдьыбыт…
Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит. Таҥха…
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…