Хаартыска: Андрей Сорокин, СИА
«ProДФО» диэн ураты хабааннаах онлайн-пуорумнар серияларынан буолар. Кинилэр Уһук Илин эрэгийиэннэригэр былааһы, эспиэртэри, СМИ эйгэтин уонна олохтоохтору түмэр тосхоллоохтор. Хас биирдии пуорум эрэгийиэн оруннаах хайысхаларыгар аналлаах: экэниэмикэҕэ, биисинэскэ, үөрэҕириигэ, куорат табыгастаах усулуобуйатыгар, ыччаты өйөөһүҥҥэ, туризмҥа, экологияҕа.
Бүтэһик кэмҥэ маассабай информациялар сириэстибэлэрин оруола үрдээн турар. Бүгүн «ProДФО – Все для Победы!» пуорум үөһэ этиллибит хайысхалар элбэх бэрэстэбиитэлин муста. Кырдьыктаах информацияны тиэрдээһиҥҥэ суруналыыстартан улахан эппиэтинэс ирдэнэрин СӨ Ил Дархана Айсен Николаев бэлиэтээн эттэ. Ордук чуолаан, байыаннай кэрэспэдьиэннэр оруоллара улахан. Онон кинилэргэ өрөспүүбүлүкэ өйөөһүнэ үрдүк.
«Дойду үрдүнэн бу суоһаан турар күннэр-ыйдар олус ыарахаттар. Ол эрээри, биһиги көрдөрдүбүт: бары биир санаалаах уонна бэрэсидьиэммит тула түмсэр буоллахпытына, ханнык баҕарар ыарахаттары кыайыахпытын сөп. Бу эйгэни олохтуурга, биллэн турар, СМИ суолтата сүҥкэн. Информация кырдьыктаах буолуохтаах. Билигин өстөөхтөрбүт туһунан тутах уонна бутуйуулаах информация барара соччото суох көстүү. Бүгүн идэҕэ бэриниилээх уонна эппиэтинэстээх буолуу бастакы миэстэҕэ туруохтаахтар”, — диэн Айсен Николаев тоһоҕолоон эттэ.
Ил Дархан байыаннай кэрэспэдьиэннэр уустук үлэлэрин сырдатта. Биһиги эрэгийиэммит элбэх бэлэмнээх байыаннай кэрэспэдьиэннэрдээҕинэн биир бастыҥнар кэккэлэригэр сылдьарын бэлиэтээтэ.
Өрөспүүбүлүкэбитигэр байыаннайдары уонна кинилэр дьиэ кэргэттэрин өйүүр 19 миэрэ үлэлиир. Саха сирин байыаннайдарыгар анаан Москваҕа Координационнай киин үлэлиирин санатыахха наада.
Ыам ыйын 30 күнүттэн Дьокуускайга «Защитники Отечества» диэн байыаннай эпэрээссийэ кыттыылаахтарын өйүүр судаарыстыбаннай пуонда филиала үлэлиир.
Эльдар Садовников.
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…