“Профессионалитет” федеральнай бырайыак кэллиэстэригэр үөрэххэ докумуоннары тутар хампаанньа саҕаланна

Быйыл бэс ыйын 20 күнүттэн “Профессионалитет” федеральнай бырайыак кэллиэстэригэр уонна техникумнарыгар докумуоннары тутар хампаанньа саҕаланна. Оҕолор 1200 кэллиэскэ, ол иһигэр Саха сиригэр үөрэниэхтэрин сөп.

“Профессионалитет” – бу орто идэтийбит үөрэххэ киирэн үөрэнэргэ бэртээхэй бырайыак. 2026 сылга манна дойду бары эрэгийиэннэрэ кыттыһыахтара, оттон 2030 сылга кэллиэстэри сүүс бырыһыан хабыаҕа. Бүгүн 9-с кылааһы бүтэрбит оҕолор 60 бырыһыаннара орто идэтийбит үөрэҕи талаллар. Быйыл абитуриеннарга экэниэмикэ 24 салаатын аана 1200 кэллиэскэ аһаҕас”, – диэтэ Арассыыйа Федерациятын үөрэҕин миниистирэ Сергей Кравцов.  

“Профессионалитет”  федеральнай бырагыраамаҕа 1250 кэллиэс уонна дойду 79 эрэгийиэнигэр 1600 үлэ биэрээччи кытталлар. Массыынаны оҥоруу, тыа хаһаайыстыбата, металлургия, чэпчэки уонна оттук бырамыысыланнаһа, химическэй, атомнай, фармацевтическай, элетротэхиньиичэскэй салааларга, иһитиннэрэр технологияларга, араадьыйаҕа-электроникаҕа, тутууга уо.д.а. кластердар тэрилиннилэр.

Үөрэнээччилэри идэҕэ туһаайыыга үлэ бөҕө ыытыллар. Идэни талыыга  выпускник карьератын каартатын оҥоруу буолар. Ону хас биирдии идэҕэ оҥорон, устудьуоннар хайдах үлэһит буолан тахсалларыгар кэллиэстэр, эрэгийиэн былаастарын, үлэни биэрээччилэр өттүлэриттэн  карьера хас биирдии түһүмэҕэр туох көмө оҥоһуллара ыйыллар.

“Профессионалитет” бырайыак туһунан сиһилии билсиҥ: япроф.рф (https://япроф.рф/?ysclid=lx8qniae7k25069865).