Хаартыска: оскуола саайтыттан.
Дьокуускай куорат Л.А. Колосова аатынан 33-с нүөмэрдээх оскуолатын дириэктэрэ Прокопий Батюшкин РФ бэрэсидьиэнэ Владимир Путин быһа лииньийэтин кэнниттэн бу курдук тус санаатын үллэһиннэ.
— РФ бэрэсидьиэнэ Владимир Владимирович Путин үгэс быһыытынан сыл түмүгүн таһаарда. Тэрээһин аан бастакытын быһа лииньийэ уонна пресс-кэмпириэнсийэ быһыытынан тэҥҥэ барда. Өрүү буоларыныы олус интэриэһинэйдик ааста. Бэрэсидьиэн маннык көрсүһүүлэргэ Арассыыйа олохтоохторун долгутар ыйытыыларыгар көннөрү хоруйдаабат, үгүстүк миэстэтигэр чопчу кыһалҕалары быһаарар. Ону тэҥэ, маннык көрсүһүүлэр былаас уорганын үлэтин бэрэбиэркэтин быһыытынан да буолаллар. Бу аата дойду баһылыга былаас бары таһымын үлэтин кыраҕытык кэтиирин көрдөрөр. Дойду бары эрэгийиэнин олохтоохторун кытта быһа лииньийэ, буола турар хартыынаны, былаас тутула уонна норуот ордук долгутар кыһалҕалары уонна боппуруоһу өйдөөһүннэрин толору көрдөрөр.
Бэрэсидьиэн тыл этиитигэр технологическай суверенитет тиэмэтин эмиэ таарыйда. Дойдуга үөрэххэ улахан болҕомто уурулларын бары көрө сылдьабыт. Тутаах хайысхаларга чопчу ордук болҕомто уурулунна. Өрөспүүбүлүкэҕэ тустаах хайысхаҕа улахан үлэ ыытыллар. Федеральнай бырагыраамалар баар буолан аныгы ирдэбилгэ эппиэттиир оскуолалар тутуллаллар, үлэҕэ киирэллэр, хапытаалынай өрөмүөн барар, оскуолалары аныгы тэрилинэн хааччыйыы араас бырагыраамалара оҥоһуллаллар итиэннэ үөрэх хаачыстыбатыгар усулуобуйа тэриллэр. Педагог идэтин аатын-суолун үрдэтии туһунан үрдүк таһымҥа кэпсэттилэр, Арассыыйаҕа Педагог уонна уһуйааччы сыла түмүктэнэн эрэр.
Судаарыстыба Бэрэсидьиэнэ ураты болҕомтону оскуолаларга иитии уонна патриотическай үлэ туһунан боппуруостарга уурда. Путин үүнэр көлүөнэни патриотизм тыыныгар иитиигэ учуутал оруолун туһунан Бисмарк биллэр цитататын аҕынна. Бу үлэҕэ ыччакка бэйэлэринэн дьиҥнээх холобур буолар байыаннай эпэрээссийэ кыттыылаахтарын сыһыарар ирдэнэрин бэлиэтээтэ. Манна биһиги эрэгийиэммитигэр өрүү сыаллаах-соруктаах үлэ ыытылларын ахтар тоҕоостоох. Саҥа киириилэртэн үөрэх тэрилтэлэригэр бигэтик олохсуйбут уонна иитэр үлэҕэ саҥа көҕү үөскэппит федеральнай бырайыактары (Движение первых, Навигаторы детства, о.д.а.) бэлиэтиэххэ сөп.
Владимир Путин устуоруйаҕа үөрэх саҥа кинигэтин боппуруоһун эмиэ таарыйда. Бэрэсидьиэн эрдэтээҥҥи кинигэлэр өрүү кырдьыгы суруйбатахтарын бэлиэтээтэ. Устуоруйа саҥа учуобунньуга тустаах сөбө суох быһыыны лаппа көннөрдө. Маныаха бэрэсидьиэн билим уонна педагогтар түмсүүлэрэ төрөппүттэр уопсастыбаннастарын кытта үөрэх кинигэтин ис хоһооно уларыйыытыгар көмөлөһүөхтэрин сөп диэн бэлиэтээтэ. Санатан эттэххэ, быйылгы үөрэх дьылыттан, өрөспүүбүлүкэ бары оскуолалара 10-с уонна 11-с кылаастарга аналлаах саҥа учуобунньугунан хааччыллыбыттара.
Кэмиттэн-кэмигэр судаарыстыба эбэтэр эрэгийиэн бырагыраамалара быһа лииньийэлэртэн эбэтэр пресс-кэмпириэнсийэлэртэн толкуйданан тахсаллара интэриэһинэй, — диэн эттэ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…