Хаартыска: видеоттан скриншот.
Бу күннэргэ социальнай ситимнэринэн, хаарбах туруктаах дьиэттэн дьону көһөрүү бырагырааматынан тутуллар дьиэлэр: “Кып-кыраҕастар, ваннатын кыайан батарбакка эрбээн олордубуттар” – диэн ис хоһоонноох уо.д.а. видеолар тарҕаннылар. Видеоҕа хайа улуус, нэһилиэк буолара ыйыллыбат.
Туоһулаһан билбиппит, Уус Алдан улууһун Бороҕон сэлиэнньэтигэр Пушкин аатынан уулуссаҕа тутулла турар дьиэ эбит. Чахчытын, тугун-ханныгын билээри Мүрү нэһилиэгин баһылыга Прокопий Румяенцевы кытта сибээстэһэ сырыттыбыт. Баһылык иһитиннэрбитинэн, күн бүгүн Бороҕон сэлиэнньэтигэр хаарбах туруктаах дьиэлэртэн көһөрүү бырагырааматынан 2025 сылга тыһыынчаттан тахса киһи көһүөхтээҕин, биир дьиэ тутуллан бүппүтүн, билигин тэҥинэн биэс дьиэ тутулла турарын этэр.
“Күн бүгүн барыта биэс дьиэ тутулла турар. Социальнай ситимнэринэн тарҕаммыт кыһалҕалаах дьиэ Пушкин аатынан уулуссаҕа, биир уһаайбаҕа отуттуу кыбартыыралаах икки дьиэ тутулла турар. Быһа холуйан ыам-бэс ыйдарыгар үлэҕэ киириэҕэ диэн былааннаан олорбуппут, үлэтэ бүтэ илик. Тустаах дьиэ планировката мөлтөх соҕус. Сорох кыбартыыраларыгар санитарнай узелын (ванна, тахсан киирэр тэрил, раковина) хоһо кыараҕас. Санитарнай узел хоһо кыараҕас дииллэрин, дьон айманарын өйдүөххэ сөп. Ол эрээри, кыбартыыра барыта итинник буолбатах.
Социальнай ситимҥэ 13 кв.м. диэбиттэр гынан баран, биир даҕаны ити курдук иэннээх кыбартыыра суох, ирдэбилгэ эппиэттииллэр.
Маҥнай дьоммутун түмэн мунньах ыытыахпыт. Быһа холуйан өйүүн диэн былааннаан олоробут. Син биир бэрэбиэркэ барыаҕа, биир түмүккэ кэлэрбит ирдэнэр”, — диэн баһылык быһаарда.
Видеоҕа көрдөххө, итини таһынан дьон хараҕа иҥнэр атын да өрүттэрэ баалларга дылы. Онон бэрэбиэркэ баран, сөптөөх дьаһал ылылларыгар эрэнэбит.
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…