“Проспект” эргиэн киинигэр баһаар буолла

Бүгүн, от ыйын 11 күнүгэр, Дьокуускайга “Проспект” эргиэн киинин төрдүс этээһин биир маҕаһыыныгар уот күөдьүйдэ. Ыксаллаах быһыы-майгы министиэристибэтэ иһитиннэрбитинэн, дьолго, ким да эмсэҕэлээбэтэ.

4 кв.м. иэннээх  уоту суох оҥордулар. Уоттан маҕаһыын эркинэ уонна таҥастар буорту буоллулар.

Суһал ыҥырыыга 43 киһи уонна Дьокуускайдааҕы баһаарынай-быыһыыр этэрээтин 9 тиэхиньикэтэ кэллэ. Билигин буруоттан ыраастаныы үлэтэ ыытыллар.

Уот турбут төрүөтүн Ыксаллаах быһыы-майгы министиэристибэтэ быһаарыаҕа.