Хаартыска sakha.gov.ru ылылынна
Дьокуускайга «ПроСтартап» инновационнай технологическай бырайыактар II куонкурустарын тэрээһинэ буолла.
Манна СӨ Бырабыыталыстыбатын Бэрэссэдээтэлин солбуйаачы Анатолий Семенов эспиэр быһыытынан кыттыыны ылла.
«ПроСтартап» сүрүн сыала —Саха сиригэр тыа сирдэригэр технологическай предпринимательствоны сайыннарыы. Быйылгы куонкуруска 17 улуустан уонна Дьокуускайтан сүүсчэкэ киһи көхтөөхтүк кытынна. Күөн күрэс кыттааччылара куурустарга технологическай биисинэс сүрүннэрин үөрэттилэр уонна бэйэлэрин бырайыактарын оҥорорго ылсан үлэлэстилэр.
«ПроСтартап» куонкурус тыа сирдэригэр технологическай көҕүлээһиннэри өйүүр уонна сайыннарар дьоһун суолталаах платформа. Биһиги саҥа идиэйэлэр, сонун толкуйдар уонна бырайыактар эрэгийиэҥҥэ экономическай быһыыны-майгыны тупсарарга уонна ыччаты бэйэлэрин стартаптарын тэрийэллэригэр көҕүлүүрүгэр эрэнэбит«, — диэн СӨ Бырабыыталыстыбатын Бэрэссэдээтэлин солбуйааччы Анатолий Семенов бэлиэтиир.
Түмүккэ 13 бырайыак киирбит. Бу Алдан, Ленскэй, Мииринэй, Нам, Ньурба, Өлөөн, Өлүөхүмэ, Уус Алдан улуустарын уонна Дьокуускай куорат олохтоохторун бырайыактара. Кинилэр бэйэлэрин сонун идиэйэлэрин, көрүүлэрин экспертнэй хамыыһыйаҕа туттарбыттар.
Куонкурус кыайыылаахтарынан буоллулар:
I м. — «Superzima» видео оонньуу, ааптар Христофоров Виктор, Дьокуускай;
II м. — «Креативус» тыйаатырга робот куукулалары туһанан көрдөрүү бырайыага, ааптар Иван Иванов, Уус Алдан, Бороҕон, ИТ-киин;
III м. — Дьокуускайга «Кырдьаҕас куорат» архитектурнай уонна култуурунай эбийиэктэрин чинчийигэ виртуальнай тур, ааптар Наталия Григорьева, АГИКИ.
СӨ Ил Дарханын уонна Бырабыыталыстыбатын пресс-сулууспата
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…