ПСБ баан уонна ПСБ Академията Дьокуускайга сэбилэниилээх күүстэр структураларыгар уонна бүддьүөт тэрилтэлэригэр үп-харчы сиэссийэтин ыыттылар

ПСБ баан ПСБ Академиятыныын Дьокуускайга “Үлэһиттэр үгүөрү үптээх-харчылаах буолууларын салайыы: мэһэйдэр уонна көдьүүстээх быһаарыылар” (“Управление финансовым благополучием сотрудников: барьеры и эффективные решения”) үп-харчы сиэссийэтин ыыттылар. Ону тэҥэ Сэбилэниилээх күүстэр биэдэмистибэлэрин уонна бүддьүөт тэрилтэлэрин бэрэстэби итэллэрэ кыттыылаах “Харчы кэмэ” (“Время денег”) биисинэс-оонньууну тэрийдилэр.  

Тэрээһин бырагырааматын чэрчитинэн үпкэ-харчыга билиини уонна эрэгийиэҥҥэ билиҥҥи экэниэмикэ балаһыанньатыгаркуттала суох буолууну ырыттылар. Ону тэҥэ өрөспүүбүлүкэ олохтоохторун үпкэ-харчыга сыһыаннаан бэлэмнээх буолууларынтаһымын үрдэтиигэ эрэгийиэннээҕи уонна федеральнай көҕүлээһиннэри көрдүлэр. ПСБ баан уонна ПСБ Академиятын эспиэрдэрэ каадыр уонна корпоративнай култуура аныгы тэриллэрин уонна судаарыстыбаннай уонна кэтэх тэрилтэлэргэ үпкэ-харчыга сыһыаннаах ситиһиилээх холобурдар тустарынан кэпсээтилэр.

Баан ПСБ Академиятын кытта бииргэ оҥорбут “Время денег” биисинэс-оонньууга кыттааччылар үпкэ-харчыга көрсүллэр араас балаһыанньалары уонна ону сайыннарыы араас барылларын көрдүлэр, дьиҥ олоххо хайдах быһаарыахха сөбүн ырыттылар. Киһи тус бүддьүөтүн салайар дьоҕуругар, иэһин-күүһүн хонтуруоллааһыҥҥа, ону тэҥэ баан бородуукталарын уонна тус хапытаалыхаҥатыыга харчы мунньар бырагыраамалары көдьүүстээх туһаныыга улахан болҕомтону уурдулар. Балартан биирдэстэринэн уһун болдьохтоох мунньунуу буолар, ол көмөтүнэн уурунуугун бэйэҥ киллэрэр усунуоһуҥ уонна судаарыстыба үбүнэн өйөбүлүн суотугар мунньунууҥ кээмэйин элбэтиэххин сөп.

“ПСБ баан нэһилиэнньэ үпкэ-харчыга сыһыаннаах билиитин үрдэтиигэ бу салааҕа өйдөтөр үлэни олоххо киллэрэн, улахан болҕомтотун уурар. ПСБ Академиятын кытта бииргэ биһиги үөрэтэр тэрээһиннэри ыытабыт. Ол курдук, Арассыыйа араас эрэгийиэннэригэр, ол иһигэр Саха сиригэр араас маастар-кылаастары уонна үөрэтэр куурустары тэрийэбит.  

Биһиги сыалбытынан дьоҥҥо үпкэ-харчыга толкуйдаахтык сыһыаннһыыны олохтооһун буолар. Бу кинилэр бигэ туруктаахтык олороллоругар уонна харчыларын харыстыылларыгар көмөлөһөр. Ол түмүгэр нэһилиэнньэ үпкэ билиитин үрдэтии эрэгийиэн экэниэмикэтин сайдыытыгар үтүө өттүнэн сабыдыаллыыр уонна дойду экэниэмикэтин бүттүүнүн сайыннарар”, — диэтэ Саха сиригэр ПСБ эрэгийиэннээҕи дириэктэрэ Людмила Клюско.

ПСБ баан ПСБ Академиятын кытта бииргэ нэһилиэнньэ үпкэ билиитин үрдэтиигэ эрэгийиэҥҥэ киэҥ хабааннаах үөрэтэр-сырдатар бырагырааманы олоххо киллэрэллэр. Бырагыраама дьоҥҥо үп уустук боппуруостарыгар быһаарсарыгар уонна үптэрин-харчыларын сөпкө туһаналларыгар көмөлөһөр. Бу үлэ 2030 сылга диэри Национальнай стратегия чэрчитинэн ыытыллар. Манна тутаах хайысханан үлэ кэлэктииптэригэр үп култууратын сайыннарыы буолар.