ПСБ Дьокуускайга Арассыыйа Урбаанньыттарын күнүн көрсө урбаан үлэтин эйгэтигэр “Золотой Меркурий” национальнай бириэмийэ эрэгийиэннээҕи түһүмэҕин кыайыылаахтарын эҕэрдэлээһин дьиҥ таһымнаах сиэригэр-туомугар кытынна.
ПСБ “Агро-бырамыысыланнас комплексын бастыҥ дьоҕус тэрилтэтэ” номинацияҕа кыайыылаах “Сибиир” бааһынай хаһаайыстыбатын “Мархатааҕы” бренин эҕэрдэлээтэ. Баан “Миэбэл бородууксуйатын оҥоруу эйгэтигэр бастыҥ дьоҕус тэрилтэ” анал номинациянан Нам улууһун урбаанньытын Сергей Дохунаевы эҕэрдэлээтэ. “Бэби Сити” оҕону сайыннарар киин уонна биирдэм урбаанньыт Екатерина Ероскумова “Оскуола иннинээҕи үөрэхтээһин эйгэтин бастыҥ дьоҕус тэрилтэтэ” анал номинация хаһаайыннарынан буоллулар.
“Бириэмийэ кыайыылаахтарын барыларын ис сүрэхпиттэн эҕэрдэлиибин. Эрэгийиэннээҕи түһүмэх кыттыылаахтарын ортолоругар ПСБ үпкэ-харчыга инструменнарын уонна сыыппара сайдыытыгар ситиһиилэрин көхтөөхтүк туһанар биһиги бааммыт килийиэннэрэ баалларынан киэн туттабыт. Биһиги өрөспүүбүлүкэбит урбаанньыттарыгар кинилэр саамай бастыҥ биисинэс-бырайыактарын олоххо киллэрэллэригэр көмөлөһөрбүтүттэн үөрэбит”, — диэтэ ПСБ Дьокуускайга эрэгийиэннээҕи дириэктэрэ Людмила Клюско.
Урбаан эйгэтигэр “Золотой Меркурий” национальнай бириэмийэни 2002 сыллаахха РФ Эргиэн-бырамыысыланнас палаатата олохтообута. Бу бириэмийэни сыл ахсын бастыҥ экспортер-хампаанньаларга уонна күрэстэһэр кыахтаах бородууксуйаны оҥорон таһаарар ситиһиилээх тэрилтэлэргэ туттараллар. Куонкурус эрэгийиэннээҕи түһүмэҕин кыайыылаахтара “Золотой Меркурий” бириэмийэ федеральнай түһүмэҕэр кыттыахтара.
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…