Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал партнерунан буолла.
Саха сирин 800 тахса идэтийбит чэпчэки атлета уонна успуорду кэрэхсээччитэ успуорт-култуура ураты тэрээһинигэр кытыннылар. Марафонецтар Саха Өрөспүүбүлүкэтин төрүт норуоттарын национальнай таҥастарын кэтэн 1,5 уонна 10 км уһуҥҥа сүүрдүлэр.
1 км уһуҥҥа кыайыылаахтарынан Мария Константинова уонна Петр Птицын, 5 км – Матрена Стручкова уонна Авдей Тимофеев буоллулар. 10 км сүүрүүгэ Дмитрий Ловцов уонна Зоя Петрова үчүгэй түмүгү көрдөрдүлэр.
“ПСБ Саха Өрөспүүбүлүкэтин дьоһун суолталаах социальнай бырайыактарын өйүүр. “ЭтноРан. Якутия 2025” – маннык бырайыактартан биирдэстэрэ. Бу бырайыак успуорду, национальанй уратыны тэҥҥэ дьүөрэлиир, көрөргө олус кэрэхсэбиллээх, бу элбэх омук олорор Арассыыйа хас биирдии норуотугар олус суолталаах. Бүгүн Саха сирин олохтоохторугар дьиҥнээх бырааһынньык буолла. Биһиги киин куораппыт – Дьокуускай төрөөбүт күнүгэр сөп түбэстэ. ПСБ баан аатыттан Саха Өрөспүүбүлүкэтин олохтоохторун бырааһынньыгынан эҕэрдэлиибин! Бука барыгытыгар чэгиэн доруобуйаны, ситиһиилэри уонна үп-харчы өттүнэн туруктаах буолууну баҕарабын!”, — диэтэ ПСБ Саха сиригэр эрэгийиэннээҕи дириэктэрэ Людмила Клюско.
“ЭтноРан. Якутия 2025” Арассыыйа үрдүнэн буолар “ЭТНОРАН” национальнай сүүрүү федеральнай сериятын чэрчитинэн олоххо киирэр уонна маассабай успуорду сайыннарыыга уонна национальностар икки ардыларыгар эгэлгэ этнокултуура нөҥүө сомоҕолоһууну бөҕөргөтүүгэ туһуланар. Тэрээһини Саха сиригэр Саха Өрөспүүбүлүкэтин Эргиэн-бырамыысыланнай палаатата тэрийдэ.
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…
Бүгүн, балаҕан ыйын 18 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…