Хаартыска: Эргиэн-бырамыысыланнас палаататын пресс-сулууспата
ПСБ Мэҥэ Хаҥалас улууһугар дьоҕус биисинэс бэрэстэбиитэллэригэр уонна бэйэ дьарыктаах дьоҥҥо бэйэ дьыалатын сайыннарыыга баан тэриллэрин хайдах туһаныахха сөбүн билиһиннэрдэ. Бу тэрээһин өрөспүүбүлүкэ Эргиэн-бырамыысыланнас палаататын көҕүлээһининэн “Дьыалабыай Саха сирэ” анал бырайыагы олоххо киллэрии чэрчитинэн ыытылынна.
Улуус урбаанньыттарыгар уонна бэйэ дьарыктаах дьонугар биисинэстэн барыһы ыларга көмөлөһөр, ороскуоту аччатар уонна бу салааҕа саҥа кыахтары арыйар бородуукталар тустарынан кэпсээтилэр. Олор ортолоругар – урбаанньыттарга онлайн нөҥүө ки рэдьиити ылар бырагыраамалар, каасса нөҥүө хааччыйыы, эргиэн эквайринын уонна интэриниэт-эквайринг, “Катюша” виртуальнай биисинэс-ассистент, “Онлайн-буҕалтыарыйа” сыыппара сервиһэ уо.д.а. бааллар.
“Бүгүн ПСБ Саха сирин дьоҕус биисинэһин килийиэннэригэр уонна бэйэлэрэ дьарыктаах дьонугар биисинэс-соруктарын түргэнник быһааралларыгар көмөлөһөр табыгастаах инновационнай баан бородуукталарынан уонна сервистэринэн хааччыйар. Үгүс түгэҥҥэ баан хоруйун түргэнник ылаҕын. Холобура, кирэдьиити онлайн баара -суоҕа биир докумуонунан уонна аҕыйах мүнүүтэ иһинэн кирэдьиити онлайн ылыллар, –диэн кэпсээтэ ПСБ Дьокуускайдааҕы эрэгийиэннээҕи дириэктэрэ Людмила Клюско. – Эргиэн-бырамыысыланнас палаататын көһө сылдьар биисинэс-миссияларыгар кыттан, биһиги улуустар урбаанньыттарын ПСБ баанын туһунан билиилэрин-көрүүлэрин кэҥэтэбит уонна түмүккэ Саха сиригэр биисинэс сайдыытыгар көмөлөһөр баан тэриллэрин (инструменнарын) туһунан билиһиннэрэбит.
Мэҥэ Хаҥалас улууһугар оробуочай сырыыбыт кэмигэр баан эспиэртэрин бойобуой дьайыылар бэтэрээннэрин дьиэ кэргэттэрин кытта көрсүһүүлэрэ тэрилиннэ. Онно “СВОи” элбэх өҥөнөн хааччыйар электроннай дастабырыанньа-каарта уонна бу каарталаах дьоҥҥо юридическай, нолуокка уонна атын өҥөлөрү оҥорор “Правокард” сервис туох үчүгэйдээхтэрин сиһилии быһаардылар.
Майа сэлиэнньэтигэр Ф.Г.Охлопков уонна В.П.Ларионов аатынан уопсай үөрэхтээһин оскуолаларын үөрэнээччилэригэр Людмила Клюско үпкэ-харчыга сыһыаннаах билиигэ дьарыгы ыытта. Үрдүкү кылаас үөрэнээччилэригэр харчыга тус стратегияларын оҥостуу быраабылатын, харчыны хайдах сүтэрбэт, ПСБ оҕоҕо анаммыт баан каартата туох көмөлөөҕүн уонна барыһы ылар туһугар кешбэги хайдах сөпкө туруорар туһунан кэпсээтилэр.
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…