Өрөспүүбүлүкэ Эргиэн-бырамыысыланнас палаататын көҕүлээһининэн “Дьыалабыай Саха сирэ” анал бырайыагы олоххо киллэрии чэрчитинэн ПСБ Нам улууһугар урбаанньыттарга баан инструменнарын хайдах туһаныахха сөбүн көрдөрдө.
Баан эспиэрдэрэ улуус урбаанньыттарыгар ПСБ көмөтүнэн хайдах бэйэ дьыалатын арыйар, эргиэн эквайринын эбэтэр интэриниэт-эквайринын холбуур туһунан кэпсээтилэр. Ону тэҥэ бааҥҥа расчетнай-каасса хааччыйыытын усулуобуйаларын, “Катюша” виртуальнай биисинэс-аккаунт үлэтин кытта билиһиннэрдилэр, ПСБ саҥа кирэдьиит бырагыраамалара туох ордуктааҕын быһаардылар.
“Саха сиригэр ПСБ эрэгийиэн урбаанньыттарын холбоһугар эргиччи өйөбүлү оҥорор. Өрөспүүбүлүкэ Эргиэн-бырамыысыланнай палаататын кытта көһө сылдьар үөрэтэр-сырдатар бырагыраамалар чэрчилэринэн биһиги улуус уопуттаах уонна саҥа саҕалыыр урбаанньыттарыгар баан хайдах кинилэргэ биисинэстэрин сайыннарарга билиилэрин кэҥэтэбит, биисинэскэ соруктарын быһаарарга көмөлөһөбүт. Бу, биллэн турар, өрөспүүбүлүкэ улуустарын дьыалабый көхтөрүн сайыннарыыга, саҥа биисинэс уонна үлэ миэстэлэрэ тахсарыгар, оройуоннарга экэниэмикэ балаһыанньатын тупсарыыга төһүү буолар”, — диэн Дьокуускайга ПСБ эрэгийиэннээҕи дириэктэрэ Людмила Клюско эттэ.
Баан исписэлиистэрэ үрдүкү кылаастарга Н.С.Охлопков аатынан Нам улууһунааҕы гимназияҕа үпкэ-харчыга сыһыаннаах дьарыгы ыыттылар. Людмила Клюско үөрэнээччилэргэ киһи үпкэ тус стратегиятын, үп инструменнарын уонна хайдах харчыны мунньар, ПСБ оҕолорго баан каартатын туһунан кэпсээтэ.
Байыаннай дьайыы бэтэрээннэрин дьиэ кэргэттэригэр анаан “СВОи” элбэх көрүҥнээх электроннай дастабырыанньа-каарта туох туһалааҕын туһунанбилиһиннэрдилэр.
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.