Психологическай өйөбүл уонна көмө оҥоруу салҕанар

Анал байыаннай дьайыы кыттыылаахтарыгар уонна кинилэр дьиэ кэргэттэригэр  психологическай өйөбүл уонна көмө оҥоруу салҕанар.

Ааспыт нэдиэлэҕэ 430-тан тахса тус этии көрүлүннэ. Барыта 524 биирдиилээн уонна бөлөҕүнэн көмө үлэ көрүҥэ ыытылынна. Бу туһунан бүгүн өрөспүүбүлүкэтээҕи  психологическай киин дириэктэрэ Владимир Скрябин иһитиннэрдэ.

«Госпиталь хайысхатынан бааһырбыт дьоҥҥо суһал психологическай көмө оҥоһуллар. Ол кэннэ салгыы өйүүр үлэ саҕаланар — психоэмоциальнай туругу бигэтик тупсарыыга уонна араас боппуруостарга күүстээх психологическай көмө ыытыллар. Соторутааҕыта госпиталларга өрөспүүбүлүкэтээҕи хамаандаҕа социальнай тэрилтэлэр үлэһиттэрэ кытыннылар, онон психологическай үлэҕэ өссө күүскэ болҕомто күүһүрэр кыахтанна», — диэтэ Владимир Скрябин.

Ону кытта Саха сиригэр байыаннай сулууспалаахтар аймахтарын кытта үлэ салҕанар. Сүтүктээх, сураҕа суох сүппүт байыастардаах ыалларга болҕомто күүһүрэр. Анал консультацияларга суруттарарга 8 (4112) 31-91-09 төлөпүөн нүөмэринэн билсиэххэ сөп. Байыаннай сулууспалаахтарга уонна кинилэрдьиэ кэргэттэригэр өҥө барыта босхо уонна анонимнай. Эрэл төлөпүөнэ: 8-800-100-35-50 эбэтэр 122, салгыы 6 уонна 2.

Санатан эттэххэ, дьон психологическай доруобуйатын чөлүгэр түһэриигэ уонна бөҕөргөтүүгэ туһуламмыт психологтар үлэлэрэ Ил Дархан Айсен Николаев сорудаҕынан Саха сирин Бырабыыталыстыбатын Бэрэссэдээтэлин солбуйааччы Ольга Балабкина салайыытынан ыытыллаллар.