Хаартыска: Сахагов.ру
Ааспыт нэдиэлэ устата психологтар өрөспүүбүлүкэҕэ, ону тэҥэ Ростов-на-Дону куорат госпиталларыгар 260-тан тахса байыаннай дьайыы кыттыылаахтарыгар уонна кинилэр дьиэ кэргэттэригэр көмөнү оҥордулар. 330 биирдиилээн уонна бөлөҕүнэн психологическай үлэ ыытыллыбыта, ол иһигэр хат ыытыллар консультациялар уонна дьарыктар. Бу туһунан сэтинньи 14 күнүгэр ыытыллыбыт брифиҥҥэ Өрөспүүбүлүкэтээҕи психологическай киин дириэктэрин солбуйааччы Анатолий Кузьмин иһитиннэрдэ.
«Бу кэмҥэ биһиги филиалларбытыгар Саха сирин психологтарын пуорумугар тэрээһиннэр саҕаланнылар. Бу бырааһынньык буолбатах, араас салаалар психологтарын икки ардыларыгар алтыһыы, кыһалҕалаах хайысхалары быһаарыыга уонна исписэлиистэр икки ардыларыгар уопут атастаһыытыгар конструктивнай былаһааккалар буолаллар. Үлэ түмүктэрин сэтинньи 25-26 күннэригэр Дьокуускайга буолар IV Психологтар пуорумнарыгар таһааран, резолюцияҕа киллэриэхпит», — диэтэ Анатолий Кузьмин.
Киин дириэктэрин солбуйааччы доруобуйа харыстабылын систиэмэтин таһынан, психологтан көмө көрдөөһүн көҥүл буоларын санатта. Үлэ чааһыгар 8 (4112) 31-91-09 нүөмэргэ эрийэн, исписэлиис көмөтүн уонна өйөбүлүн ылыаххытын сөп.
Улуустааҕы салааларга сибээс информациятын ити нүөмэргэ булуохха сөп. Күнүстэри-түүннэри үлэлиир көмө төлөпүөнэ эмиэ баар: 8-800-100-35-50 эбэтэр 122, онтон 6 уонна 2 кунуопканы баттыыгыт. Психологтары кытта сибээс анонимнай уонна конфиденциальнай, псевдонимынан ааттанан баран, көрсүһүүнү былаанныахха сөп.
Психологическай киин өҥөлөрө байыаннай дьайыы кыттыылаахтарыгар, кинилэр дьиэ кэргэттэригэр уонна атын да кириисискэ киирбит дьоҥҥо босхо.
Удачнай куорат олохтооҕо Мария Удальцова социальнай хантараак көмөтүнэн кыра хампаанньаларга юридическай өҥөнү оҥорор ситиһиилээх биисинэс…
Аллыҥаҕа нэһилиэк килбэйэр киинигэр "Золотые скамейки" искибиэргэ таптаһар сүрэхтэр, саҥа холбоһор ыаллар үйэлээх тапталларын өһүллүбэт…
Дьокуускай куорат борокуратуурата 2006 с.т. уолга сыһыаннаан көбүтүллүбүт холуобунай дьыала буруйдуур түмүгүн бигэргэттэ, диэн СӨ…
Сэтинньи 26-28 күннэригэр Дьокуускайга VI Туруктаах сайдыыга Хотугу пуорум ыытыллыаҕа. Арассыыйа эрэгийиэннэриттэн, араас дойдулартан эспиэрдэр…
Сэтинньи 13 күнүгэр, Саха сиригэр инновация күнүгэр, «Салгынынан туоратыы» бырайыак иккис түһүмэҕэ үлэлээтэ. Бу бырайыак…
Бастакы төлөбүрдэр сэтинньи 14 күнүгэр киириэхтэрэ. Ол эрээри, төлөбүрдэри бу сыл атырдьах ыйын 22 күнүгэр…