Хаартыска: Сахагов.ру
Ааспыт нэдиэлэ устата өрөспүүбүлүкэҕэ 730-тан тахса анал байыаннай дьайыы кыттыылаахтарыгар уонна кинилэр дьиэ кэргэттэригэр бөлөҕүнэн уонна биирдиилээн дьарыктар, консультациялар ыытыллыбыттара. Бу туһунан сэтинньи 7 күнүгэр буолбут брифиҥҥэ Өрөспүүбүлүкэтээҕи психологическай киин дириэктэрэ Владимир Скрябин иһитиннэрдэ.
«Бары ыйытыылар анонимнайдар уонна конфиденциальнайдар. Туох да докумуон ирдэммэт, псевдонимынан да регистрацияланыахха сөп», — диэн Владимир Скрябин санатта.
Үлэ кэмигэр 8 (4112) 31-91-09 нүөмэргэ эрийэн көмөнү уонна өйөбүлү ылыаххытын сөп. Улуустааҕы салааларга информацияны эмиэ бу нүөмэргэ эрийэн билсиэххэ сөп. Маны таһынан, күнүстэри-түүннэри төлөпүөн үлэлиир: 8-800-100-35-50 эбэтэр 122, онтон 6 уонна 2 кунуопканы баттыыгыт.
Владимир Скрябин сэтинньи 25-26 күннэригэр Өрөспүүбүлүкэтээҕи психологическай кииҥҥэ Саха сирин психологтарын пуорума буоларын иһитиннэрдэ. Федеральнай стратегическай соруктарга сөп түбэһиннэрэн оҥоһуллубут сиһилии бырагыраама, ону тэҥэ регистрация сигэтэ өрөспүүбүлүкэ официальнай информационнай порталыгар sakha.gov.ru, уонна көрдөрөр-иһитиннэрэр саайтарга тахсыаҕа. Сэтинньи 10 күнүттэн суруттарыы саҕаланар.
Өрөспүүбүлүкэтээҕи психологическай киин өҥөлөрө анал байыаннай дьайыы кыттыылаахтарыгар, кинилэр дьиэ кэргэттэригэр босхо. Бу өҥө Ил Дархан сорудаҕынан, бырабыыталыстыба бэрэссэдээтэлин солбуйааччы Ольга Балабкина тус хонтуруоллааһынынан оҥоһуллар.
Сиһилии: https://www.sakha.gov.ru/news/15071
Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө байыаннай…
Борокуратуура ирдэбилин түмүгэр Саха сирин бүддьүөтүгэр 1,5 мөл. солкуобай төннөрүлүннэ. Горнай оройуонун борокуратуурата өрөспүүбүлүкэ борокуратууратын…
ИДьМ сулууспатын 2 №-дээх полициятын отделын дьуһуурунай чааһыгар балыыһаттан Дьокуускай куорат олохтооҕо төбөтүн эчэтэн, балыыһаҕа…
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…