ЯСИА хаартыската
Байыаннай дьайыы кыттыылаахтарыгар уонна кинилэр дьиэ кэргэттэригэр психологтар көмөлөрө салҕанар.
Өрөспүүбүлүкэҕэ уонна Доннааҕы Ростовка госпитал хайысхатынан алтынньыга барыта 1300 байыаннай дьайыы кыттыылааҕа уонна кинилэр дьиэ кэргэттэрэ хабыллыбыттар. 1700-тэн тахса биирдиилээн уонна бөлөҕүнэн уйулҕаны бөҕөргөтөр үлэ ыытыллыбыт. Ол иһигэр хат ыытыллар сүбэлэр-амалар уонна дьарыктар киирэллэр.
Бу туһунан Психология өрөспүүбүлүкэтээҕи киинин суһал психологическай үлэҕэ дириэктэри солбуйааччы Анатолий Кузьмин иһитиннэрдэ.
—Госпитал таһыгар психологическай көмөнү ылыы хайдах буоларый: киһи бэйэтин баҕатынан кэлэр, киниэхэ табыгастаах кэмин көрөн үлэтигэр уопуттаах психологы талаллар. Консультацияҕа бобуулаах эбэтэр сааттаах тиэмэ диэн суох. Биһиэхэ кэлбит дьон аата-суола кистэлэҥҥэ тутуллар. Докумуоннар ирдэммэттэр, хос аат, псевдоним ылынан сурутуохтарын сөп, — диир Анатолий Кузьмин.
ЯРПЦ психологтарын көмөтүн, өйөбүлүн ылыан баҕалаахтар бу нүөмэргэ эрийиэхтэрин сөп: 8 (4112) 31-91-09 (үлэ чааһыгар). Киин филиалларын нүөмэрдэрин манна эрийэн чопчулаһаҕыт. Маны таһынан, бу нүөмэргэ хаһан баҕарар эрийиэххэ сөп: 8-800-100-35-50 эбэтэр 122, салгыы 6 уонна 2.
Сиһилии: https://www.sakha.gov.ru/news/14728
СӨ Ил Дарханын уонна Бырабыыталыстыбатын пресс-сулууспата
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…