Психологтар байыастарга 20 тыһыынча кэриҥэ көмөнү оҥордулар

Саха сиригэр психологтар байыастарга уонна кинилэр дьиэ кэргэттэригэр 20 тыһ. кэриҥэ сүбэни-аманы биэрбиттэр. Бу туһунан СӨ Бырабыыталыстыбатын Бэрэссэдээтэлин солбуйааччы Ольга Балабкина иһитиннэрдэ.

Бу үлэ Ил Дархан Айсен Николаев сорудаҕынан ыытыллар уонна тиһиктээхтик салҕанар. Көмөнү, өйөбүлү СӨ психологическай киин оҥорор.

«Психологтар өйөбүллэринэн 15,5 киһи туһанна, биирдиилээн уонна бөлөҕүнэн үлэҕэ 20 тыһ. киһи хабыллынна. Чөлгө түһүүнү 386 байыас ааста. 170  киһи санаторийга, куруорка сырытта», — диэн Ольга Балабкина эттэ.

Психологтар Доннааҕы Ростовка байыаннай госпитальга үлэлииллэр. Манна номнуо 10 мобильнай биригээдэ айаннаата. Демобилизацияламмыттары уонна уоппускалаахтары кытары үлэ «Аҕа дойдуну көмүскээччилэр» пуонда филиалыгар уонна СӨ психологическай киин оройуоннааҕы филиалларыгар ыытыллар.

Ыйытыылаахтар «122» нүөмэргэ эрийиэхтэрин сөп, эбэтэр улуус, куорат уокуруктарыгар баһылыктары социальнай боппуруостарга солбуйааччыларын кытары сибээстэһиэхтэрин сөп. Ону таһынан, 8-800-100-35-50 нүөмэргэ эрийэн көмө туһунан эмиэ билсиһиэххитин сөп.