Хаартыска: ЯСИА
Тохсунньуга Саха сирин психологтара 960 биирдиилээн уонна бөлөҕүнэн консультацияны ыыттылар.
Үлэни өрөспүүбүлүкэ иһигэр да, таһыгар да (Ростов-на-Дону куорат госпиталыгар) ыытылынна. Бу үлэҕэ байыаннай дьайыы 850 кыттыылааҕа уонна кинилэр дьиэ кэргэттэрин чилиэннэрэ хабылыннылар.
Саха өрөспүүбүлүкэтин психологическай киинин дириэктэрэ Владимир Скрябин тохсунньу 30 күнүнээҕи брифиҥҥэ иһитиннэрбитинэн, аан бастакы уонна хаттаан консультациялар ыытыллыбыттар. Кини этэринэн, бүгүн Киин психологтарын 37-с биригээдэтэ Ростов-на-Дону байыаннай госпиталыгар көттө.
«Биригээдэлэри биир ый болдьоххо ыытабыт, кинилэр икки ардыларыгар үлэ быстыбакка тэриллэр. Госпитальтан тахсан баран психологическай көмөнү хайдах ылалларый: киһи бэйэтин баҕатынан кэлэр, киниэхэ сөптөөх күнү уонна кэми талаллар. Консультацияҕа бобуулаах, суолтата суох тиэмэ суох, ордук сэрии истириэһин кытта сибээстээх боппуруостарга. Бары хайысханан үлэлэр анонимнайдар уонна кистэлэҥнэр», – диэтэ Владимир Скрябин.
Көмөнү уонна өйөбүлү үлэ чааһыгар маннык нүөмэринэн эрийэн суруттаран ылыахха сөп: 8 (4112) 31-91-09. Киин улуустар филиалларын нүөмэрдэрин эмиэ бу нүөмэринэн билсиэххэ сөп. Ону таһынан, суукканы быһа үлэлиир итэҕэл төлөпүөнэ баар: 8-800-100-35-50 эбэтэр 122, онтон 6 уонна 2.
Байыаннай дьайыыкыттыылаахтарыгар, кинилэр дьиэ кэргэттэригэр, ону тэҥэ атын ыксаллаах түгэннэргэ Саха сиринээҕи психологическай киин өҥөтө босхо оҥоһуллар.
Санатан эттэххэ, РФ Бэрэсидьиэнэ Владимир Путин сэрииттэн төннүбүт дьоҥҥо психологическай чөлүгэр түһэриини булгуччулаах оҥорорго этии киллэрбитэ. Саха сиригэр бу хайысхаҕа үлэ өрөспүүбүлүкэ Ил Дарханын Айсен Николаев сорудаҕынан, эрэгийиэн бырабыыталыстыбатын бэрэссэдээтэлин солбуйааччы Ольга Балабкина тус хонтуруолунан ыытыллар.
Олунньуга биэрэһи уонна баклажаны олордор ордук. Эспиэрдэр сэрэтэллэр - сылааһы сөбүлүүр үүнээйилэргэ 75 хонуктаах үүнээйи…
ИДьМ сулууспатын 2-с нүөмэрдээх полиция отделын дьуһуурунай чааһыгар уол оҕо аҕата таҥас уорбуттарын тыллаабыт. Эр…
"Сиэрдээх Арассыыйа" фракция дьокутааттарын бөлөҕө, салайааччылара Сергей Миронов баһылыктаах, страховой уонна социальнай биэнсийэлэри индексациялыыр саҥа…
СӨ Ил Дархана Айсен Николаев Кэбээйи улууһугар оробуочай сырыытын кэмигэр Сангаар бөһүөлэгэр байыаннай дьайыы кыттыылааҕа…
Силиэстийэ сабаҕалыырынан, былырыын балаҕан ыйын 14 күнүгэр 1998 с.т. уонна 2001 с.т. икки эдэр киһи…
Тохсунньу 29 күнүгэр Өлүөхүмэ улууһугар 2 магнитудалаах сир хамсааһына бэлиэтэннэ. Бу туһунан РАН Биир кэлим…