Хаартыска sakha.gov.ru ылылынна
Байыастары, кинилэр дьиэ кэргэттэрин, чугас дьоннорун кытары психологтар үлэлэрэ салҕанар.
Өрөспүүбүлүкэтээҕи психологическай киин дириэктэрэ Владимир Скрябин иһитиннэрбитинэн, ааспыт нэдиэлэҕэ 760 кэриҥэ этии көрүллүбүт, тыһыынчаттан тахса тус уонна бөлөҕүнэн үлэ ыытыллыбыт.
Кини психологтар уонтан тахса хайысханан үлэлииллэрин бэлиэтиир. Ол курдук, байыаннай госпиталларга уонна байыаннай чаастарга уһун кэмнээх командировкаларга сылдьаллар, «Аҕа дойдуну көмүскээччилэр» судаарыстыбаннай пуондаҕа психолог хоһо үлэлиир, олорор сирдэрэ уларыйдаҕына ыраахтан психологическай арыаллааһын ыытыллар, байыас дьиэ кэргэнигэр уустук балаһыанньа үөскээтэҕинэ өйүүллэр, арыаллыыллар, о.д.а. көмө оҥоһуллар.
«Маны таһынан, анал бырайыактар үлэлииллэр, байыастары уонна кинилэр чугас дьоннорун кытта онлайн-сүбэлэр ыытыллаллар, мэдиссиинэ үлэһиттэрин сүбэлэрэ, психологическай диагностика бааллар, волонтердар хамсааһыннарыгар кытталлар«, — диир кини.
Байыастары уонна кинилэр дьиэ кэргэттэрин кытары үлэлэр босхо оҥоһуллаллар. Психологическай арыаллааһын наада буолар түгэнигэр уһуннук, туруктара тупсуор диэри үлэ тус кыһалдҕалаахтары эрэ кытары (кимэ буолара ыйыллыбакка) ыытыллар.
«Бу үлэ Ил Дархан Айсен Николаев сорудаҕынан ыытыллар. Үлэбитин Бырабыыталыстыба бэрэссэдээтэлин солбуйааччы Ольга Балабкина сүрүннүүр. Саха сирин психологтарын үлэлэрэ Биир кэлим сүрүннүүр киини уонна нэһилиэнньэ доруобуйатын харыстабылын бары тэрилтэлэрин кытары ыкса ситимнээх«, — диэн бэлиэтиир Владимир Скрябин.
Сиһилии https://www.sakha.gov.ru/news/front/view/id/3380316 манна ааҕыахха сөп.
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…
"Дойду бэрэсидьиэнэ Владимир Путин пресс-кэмпириэнсийэтин сүрүн түгэннэриттэн биир дьоһуннаахтарынан, мин санаабар, доруобуйа харыстабылын салаатын каадырдарынан…
Ил Дархан Айсен Николаев быйылгы сыллааҕы түмүктэри таһаарар пресс-кэмпириэнсийэтэ бүгүн, ахсынньы 22 күнүгэр, саҥа үлэҕэ…
Бүгүн, ахсынньы 22 күнүгэр, 05:38 чааска Биир кэлим дьуһуурунай-диспетчер ситимигэр эрийэн, Булуҥ улууһун Быковскай бөһүөлэгэр …
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…