Психологтар биригээдэлэрэ Ростов байыаннай госпиталыгар үлэтин саҕалаата

Тохсунньу 6 күнүгэр Саха сирин психологтарын уон биирис биригээдэлэрэ Доннааҕы Ростов байыаннай госпиталыгар үлэтин саҕалаата диэн СӨ Баһылыгын уонна Бырабыыталыстыбатын пресс-сулууспата иһитиннэрэр.

Бу туһунан бүгүн Саха сиринээҕи психологическай киин дириэктэрэ Владимир Скрябин иһитиннэрдэ.

Кини бэлиэтээбитинэн, байыаннай дьайыы кыттыылаахтарын уонна кинилэр дьиэ кэргэттэригэр психологическай көмө толору оҥоһуллар. Киин психологтара байыаннай дьайыыттан төннүбүт байыастарга тута суһал көмөнү оҥорор, ол кэннэ патологическай туруктарын уонна эрдэ ылбыт охсууларын туоратар уонна хас биирдиилэрин доруобуйаларын туругун арыаллыыр үлэ барар.

«Хас биирдии киһи ньиэрбинэй систиэмэтэ, уйулгаҕытан көмүскэнэр мэхэньиисимэ, истириэскэ хайдах быһыыланара уратылаах. Уйулҕа кэһиллиитин тахсыыта араас буолар. Онон ыарыы бастакы төрүөтүн булан суһаллык туоратар, организм ис-тас күүрдүүгэ, дьайыыга хардарыытын – туспа, урукку чөлүгэр түһүөр диэри үлэлиир наада. Быстах кэми ылан көрөр буоллахха, билигин бигэ социальнай-психологическай турук тута психологическай, мэдиссиинэ уонна социальнай өйөбүлү ылбыт байыаннай дьайыы кыттыылаахтарыгар көстөр», – диэн бэлиэтээтэ Владимир Скрябин.

СӨ Психологическай киинин дириэктэрэ Саха сиригэр баар киин уонна «Аҕа дойдуну көмүскээччилэр» судаарыстыбаннай пуонда бары филиалларыгар байыаннай дьайыы кытыылаахтарын кытары үлэ барар. Ону таһынан, ханнык баҕарар нэһилиэккэ дьаһалта сайаапкатынан психологическай десент тиийэн үлэлиэҕэ.

«2023 с. киин 17 тыһыынча көмөнү оҥордо, оттон байыаннай дьайыы устатын тухары 22 тыһыынчаттан тахса бөлөҕүнэн уонна биирдиилээн дьону кытары үлэлээтэ», – диэтэ Владимир Скрябин.

Саха сиригэр Ыччат дьыалатыгар министиэристибэ иһинэн үлэлиир Психологическай киин Дьокуускай куоракка Курашов уулуссатын 36 дьиэтигэр, «Аҕа дойдуну көмүскээччилэр» пуонда филиалыгар Ойуунускай уулуссатын 41/1 дьиэтигэр итиэннэ улуустардааҕы филиалларга психологическай көмө оҥоһуллар. Оттон ыйытыылаах буоллаххытына, Киин филиалларын нүөмэрдэрин 31-91-09 төлөпүөнүэн эрийэн билсиэххитин сөп. Итэҕэл суукканы быһа үлэлиир төлөпүөнэ: 8-800-100-35-50.

Санатан эттэххэ, байыаннай дьайыы кыттыылаахтарын уонна кинилэр дьиэ кэргэттэрин кытары үлэ босхо оҥоһуллар. Психологическай арыаллааһын доруобуйа туруга тупсуор диэри ыытыллар. Онуоха ааты-суолу эппэккэ эмиэ өҥөнү туһаныахха сөп.