Психологтар десаннара улуустарга үлэлээтэ
27.12.2022, 19:00
Бөлөххө киир:
Саха сирин улуустарынан психологтар десаннара тэриллэн сырытта. Кинилэр үлэлэрин түмүгүн билиһиннэрдилэр.
Улуустарга командировкалар тустарынан өрөспүүбүлүкэтээҕи психологическай киин дириэктэрэ Владимир Скрябин иһитиннэрдэ.
«Улуустар баһылыктарын сайаапкаларынан байыаннай сулууспалаахтар дьиэ кэргэттэригэр психологическай көмөнү оҥорон Абыйга, Булуҥҥа, Дьааҥыга, Үөһээ Бүлүүгэ, Кэбээйигэ, Ленскэйгэ, Муомаҕа, Аллараа Халымаҕа, Өлөөҥҥө, Томпоҕо, Усуйаанаҕа, Чурапчыга сырыттыбыт. Бу улуустарга Киин филиала суох эбэтэр исписэлиистэр тиийбэттэр», — диэн этэр кини.
Психологтар үлэлэрэ сүрүннээн санааҕа-онооҕо баттата сылдьааччыларга көмөлөһүүгэ туһуланна.
«Эрэгийиэн салалтатын сорудаҕынан атын биэдэмистибэлэр психологтара Кииҥҥэ түмсэн күүһүрдүллүбүт психологическай десант тэриллэн үлэлээтэ. Кииҥҥэ кинилэри психологическай үлэ уратыларыгар үөрэттилэр. Психологтар мобильнай биригээдэлэрэ 2023 сылга салгыы айанныа», — диэн эттэ Владимир Скрябин.
Өрөспүүбүлүкэтээҕи психологическай киин исписэлиистэрэ кэлэр сылга демобилизацияланан кэлбиттэргэ болҕомтолорун туһаайыахтара, санааларын сааһыланалларыгар, чөл туруктаах буолалларыгар үлэлэһиэхтэрэ.
Санатан эттэххэ, психологическай көмөнү оҥорор өрөспүүбүлүкэтээҕи «суһал лиинийэҕэ» 8-800-100-35-50 эрийиэхтэрин, Дьокуускайга көрсөн кэпсэтэр сүбэҕэ-амаҕа сурутуохтарын уонна Киин филиалларын хантаактарын билиэхтэрин сөп: 8 (4112) 31-91-09.
СӨ Ил Дархан уонна Бырабыыталыстыба пресс-сулууспата
Сообщить об опечатке
Текст, который будет отправлен нашим редакторам: