Психологтар пуорумнара
21.10.2022, 09:15
Бөлөххө киир:
Психологтар III пуорумнарыгар анал байыаннай эпэрээссийэ (СВО) кыттыылаахтарыгар уонна кинилэр дьиэ кэргэттэригэр өйөбүлү, көмөнү хайдах оҥорор туһунан кэпсэттилр.
Чөлгө түһэрии, медико-психологическай көмөнү оҥоруу туһунан боппуруостар туруорулуннулар Көрсөн уонна ыраахтан олорон кэпсэтии киэбинэн ыытыллыбыт тэрээһиҥҥэ 250 киһи кытынна.
Быстах байыаннай хомуур саҕаланыаҕыттан ыҥырыллыбыттары уонна кинилэр чугас дьоннорун кытары үлэлэһэр улуустар психологтара үлэлэрин билиһиннэрдилэр.
Байыаннай сулууспалаахтар ийэлэрин бэрэстэбиитэлэ Ньургуйаана Хоютанова санаатын үллэһиннэ, байыаннай сулууспалаахтарга уйулҕа өттүнэн көмө оҥоһуллара наадатын бэлиэтээтэ. Пуорум кыттыылаахтара демобилизацияламмыттарга чөлгө түһэрэргэ бэрэбиэркэни ааспыт кэлимсэ бырагыраама наадатын эттилэр. Ону таһынан, чэбдигирдии үлэтин тиһигэр тохтоотулар. Өссө биир тиэмэнэн, улуустарга психологическай көмөнү оҥорууну сайыннарыы туһунан кэпсэтии буолла. Биэдэмистибэлэр икки ардыларынааҕы хардарыта сибээстээх үлэ түмүгүн СӨ психологическай киинин Намнааҕы филиалын холобуругар көрдүлэр.
Пуорум иккис күнүгэр, СӨ Бырабыыталыстыбатын бэрэссэдээтэлин солбуйааччы Ольга Балабкина модератордаах пленарнай мунньах ыытыллар.
Санатан эттэххэ, 2021 сылтан өрөспүүбүлүкэҕэ «Доруобуйа» уонна «Демография» национальнай бырайыактар иилэринэн, нэһилиэнньэ психологическай доруобуйатын харыстабылын бырагыраамата үлэлиир.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: