Ангелина Васильева түһэриилэрэ
Сэтинньигэ психологтар өрөспүүбүлүкэтээҕи пуорумнара буола турар. Ол чэрчитинэн, сэтинньи 21 күнүгэр нэһилиэнньэ уйулҕа өттүнэн доруобуйатын харыстыыр туһунан «төгүрүк остуол» буолла.
Манна мэдиссиинэ, үөрэҕирии, быраабы харыстааһын, социальнай хайысхаларынан үлэлиир психологтар мустан, баар кыһалҕаларын, тыҥаан турар боппуруостарын кэпсэттилэр, уопуттарын үллэһиннилэр.
Москваттан, Иркутскайтан эспиэрдэр кэлэн үлэлээтилэр. Ол курдук, Москватааҕы »ФНКЦ Реаниматологии и реабилитологии» институт проректора Анна Турица, психодиагност, профайлер-эспиэр Анна Козулева сэминээрдэри ыыттылар.
Наркологическай диспансер кылаабынай бырааһа, психиатр Туйаара Решетникова тустаах биэдэмистибэлэр үлэлэрин бииргэ сүрүннээн, ыкса үлэлэһэргэ ыҥырда. 2018 сылтан невротическай ыарыылар (истириэс, депрессия) элбээбиттэрин бэлиэтээтэ. Холобур, биэнсийэҕэ тахсыы сааһа үрдээбитин кэннэ, элбэх киһи санааҕа баттаппыт, ыалдьыбыт эбит. Бу кэннэ хамсык, байыаннай дьайыы эмиэ оруолу оонньообут. Киһи өр кэмҥэ депрессияҕа сылдьар буоллаҕына, бу ыарыыны бастаан эминэн эмтииллэр, ол эрэ кэнниттэн психолог көмөлөһөр диэтэ.
Психологтар байыаннай дьайыы кыттыылаахтарыгар көмө туһунан кэпсэттилэр. Киин »Ийэ дойдуну көмүскээччилэр» пуонданы, поликлиникалары кытта бииргэ үлэлииллэр.
Баар кыһалҕаларга нэһилиэнньэҕэ сырдатыы үлэтин, улуустарга каадырдарынан хааччыллыыны күүһүрдэргэ ыйдылар.
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…
Илиҥҥи халандаарынан үүнэр 2026 сыл Уот кыһыл ат сыла дииллэр. Сахалар сылгынан билгэлэрэ үгүс. Онтон…