Хаартыска: sakha.gov.ru ылылынна
Тохсунньуга психологтар уопсайа 1370 байыаһы уонна кинилэр дьиэ кэргэттэрин чилиэннэрин хаппыттар. Кинилэргэ уопсайа 1750 психологическай үлэ ыытыллыбыт.
Ол иһигэр толору арыаллааһын чэрчитинэн хаттаан консультациялар ыытыллыбыттар. Бу туһунан өрөспүүбүлүкэтээҕи психологическай киин дириэктэрэ Владимир Скрябин иһитиннэрдэ. Владимир Скрябин психологическай үлэҕэ сүрүнүнэн байыаннай дьайыы кыттыылаахтарын, кинилэр ийэлэрин, аҕаларын, кэргэттэрин, оҕолорун кытары биирдиилээн үлэлээһин буоларын бэлиэтиир. Уустук түгэннэргэ суһал психологическай көмөнү оҥорууну этэр.
«Психологическай бөлөх — бу уопсай санаа түмпүт дьонун кытары үлэлээһии киэбэ. Маннык көмөнү, өйөбүлү уустук кэмҥэ уопуттаах психологтар оҥороллор«, — диир Владимир Скрябин.
Кини ЯРПЦ көмөтүгэр наадыйбыт киһи аата-суола ыйыллыбатын этэр. Маны сэргэ докумуон ирдэммэт, атын псевдоним ылынан суруйтарыахха сөп диэн этэр. Байыаннай дьайыы кыттыылаахтарыгар, кинилэр дьиэ кэргэттэрин чилиэннэригэр, ону сэргэ атын кризиснэй хайысхаларынан психологтар оҥорор өҥөлөрө босхо.
Кииҥҥэ психологтар хас биирдии киһиэхэ төһө наада буоларынан көмөлөһөллөр. Көмөнү, өйөбүлү бу нүөмэргэ төлөпүөннээн ылыаххытын сөп: 8 (4112) 31-91-09 (үлэ чааһыгар эрийэҕит).
Маны сэргэ улуустарга киин филиалларын нүөмэрдэрин ыйыталаһыахха сөп. Филиаллар киин, өрүс уҥуоргу улуустарга, Бүлүү бөлөх улуустарыгар, хоту хас да улууска үлэлииллэр. Маны таһынан ыйытыылаах буоллаххытына бу нүөмэргэ эрийиэххитин сөп: 8-800-100-35-50 эбэтэр 122, салгыы 6 уонна 2.
Байыастарга уонна кинилэр дьиэ кэргэттэригэр көмөлөһөр психологическай киин үлэтэ СӨ Ил Дархан Айсен Николаев сорудаҕынан, СӨ Бырабыыталыстыбатын Бэрэссэдээтэлин солбуйааччы Ольга Балабкина тус сүрүннээһининэн ыытыллар.
СӨ Ил Дарханын уонна Бырабыыталыстыбатын пресс-сулууспата
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…