Ил Дархан, бырабыыталыстыба пресс-сулууспата.
Анал байыаннай дьайыы кэмигэр идэтийбит психологическай уонна психосоциальнай көмөнү оҥоруу салҕанар. Бу үлэ дьон уйулҕатын харыстыырга, бөҕөргөтөргө, чөлүгэр түһэрэргэ туһуланар диэн Өрөспүүбүлүкэтээҕи психологическай киин дириэктэрэ Владимир Скрябин брифиҥҥэ иһитиннэрдэ.
— Ростов-на-Дону куорат госпиталыгар психологтар уочараттаах биригээдэлэрэ айаннаата. Бу хайысханы байыаннай сулууспалаахтар да, кинилэр дьиэ кэргэттэрэ да сөбүлүүллэр, махтаналлар, — диэн кини эттэ.
Бу ааспыт нэдиэлэҕэ киин үлэһиттэрэ госпитальга уонна Саха сиригэр дьиэ кэргэттэри өйүүргэ 300-тэн тахса саҥа уонна урукку сайаапкаларынан үлэлээтилэр. Бөлөҕүнэн уонна тус киһини кытта барыта 420 үлэ көрүҥэ ыытылынна.
Маны тэҥэ, бу нэдиэлэҕэ Нам, Өлүөхүмэ улуустарыгар халаан содулуттан эмсэҕэлээбит дьоҥҥо суһал психологическай көмө наада буолан, психологтар онно үлэлээтилэр. Манна Нам улууһун психологтара бэриниилээхтик үлэлээбиттэрэ бэлиэтэнэр.
Психологическай киин уонна филиаллар нүөмэрдэрин 31-91-09 төлөпүөҥҥэ эрийэн билсиэххэ сөп. Байыаннай дьайыыга сыһыаннаах үлэ босхо уонна анонимнай буолар, ол эбэтэр, килийиэн аатын-суолун этимиэн сөп. Эрэнии төлөпүөнэ: 8-800-100-35-50 эбэтэр, 122, салгыы 6 уонна 2.
Ил Дархан, бырабыыталыстыба пресс-сулууспата.
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.
РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев «Россия-24» ханаалга интервью биэрдэ,…
2026 сыл тохсунньу 1 күнүттэн Арассыыйаҕа үс сыллаах эксперимент саҕаланыаҕа, ол түмүгэр бэйэ дьарыктаах дьон…
Өлүөхүмэ улууһун I Нөөрүктээйи нэһилиэгэр кыс ортото лыах тиллибитэ ый буолла. Маныаха учуонайдар көрүүлэрэ хайдаҕый?…