Хаартыска: Sakhagov
Психология өрөспүүбүлүкэтээҕи киинин исписэлиистэрэ нэһилиэнньэ уйулҕатын бөҕөргөтөргө, өрөспүүбүлүкэ сиригэр-уотугар социальнай-психология өҥөлөрүн сайыннарарга сэтинньигэ Алдан, Бүлүү, Нерюнгри, Орто Халыма, Өлүөхүмэ улуустарыгар көһө сылдьан үлэлиир былааннаахтар. Бу туһунан Психология киинин дириэктэрэ Владимир Скрябин брифиҥҥэ иһитиннэрдэ.
Психология социальнай, үөрэх, мэдиссиинэ исписэлиистэригэр сэминээрдэри ыытыахтара, ону сэргэ мобильнай кризиснай сулууспа реабилитациялыыр отдела көрөр-истэр сокуоннай саастарын ситэ илик оҕолорго уйулҕа көмөтүн оҥоруохтара.
«Эрэгийиэҥҥэ уонна эрэгийиэн тас өттүгэр байыаннай дьайыы кыттыылаахтарыгар уйулҕа көмөтө былаан быһыытынан салҕанан бара турар. Ааспыт нэдиэлэҕэ Саха сиригэр уонна көһө сылдьар госпиталларга 517 саҥа уонна урукку этиилэри, көрдөһүүлэри көрдүлэр, 669 биирдиилээн уонна бөлөҕүнэн үлэ ыытылынна”, —— диэн Владимир Скрябин иһитиннэрдэ.
Байыаннай дьайыы кыттыылаахтарын уонна кинилэр аймахтарын доруобуйаларын көрүүгэ анаммыт үлэ салҕанар. Исписэлиистэр сирэй көрсөн уонна төлөпүөнүнэн сүбэ-ама биэрэллэр. Психология өрөспүүбүлүкэтээҕи кииниттэн көмө көрдүүр дьоҥҥо барыларыгар көмө толору оҥоһулларын туһунан дириэктэр бэлиэтээн эттэ.
Төлөпүөн нүөмэрэ: 8 (4112) 31-91-09. Байыаннай сулууспалаахтар уонна кинилэр чугас дьоннорун кытары үлэ барыта босхо уонна кистэлэҥ, 8-800-100-35-50 эбэтэр 122, салгыы 6 уонна 2 эрийиэххэ сөп.
Дьон уйулҕатын харыстааһыҥҥа, чөлүгэр түһэриигэ уонна бөҕөргөтүүгэ хайысхаламмыт үлэ Ил Дархан Айсен Николаев сорудаҕынан, Бырабыыталыстыба бэрэссэдээтэлин солбуйааччы Ольга Балабкина сүрүннээһининэн ыытыллар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…